【笑聞一分鐘】泛民兩老去英國告狀 原來係幫傳媒老闆做打手?

嘩,泛民兩老陳方安生同李柱銘原來過去兩年收咗「壹傳媒老闆」大筆政治捐獻,其中陳太兩年一共收咗350萬,李柱銘呢,有紀錄就話係30萬喎。
 
本來政治人物收獻金,香港冇相關法律規定,李柱銘就大大聲話無問題。有問題定無問題,唔係自己講既,早排兩老飛左去英國國會告狀,係咁話香港有「無黨派獨立報章因為政治因素畀人抽廣告」,一年廣告費損失2800萬,兩老批評香港新聞自由受到干預、空間愈收愈窄喎。
 
肥佬黎既壹傳媒今年先後多次自稱畀人「抽廣告」,兩位元老究竟幫緊邊個「申冤」?唔使多講啦!今次佢兩個畀人踢爆收受呢個傳媒老闆巨額捐款,事前又冇公開又冇申報,咦?咁咪即係變相「收錢做嘢」囉?唔知兩老又有乜解釋呢?
 
講返肥佬黎,兩年內一共捐咗4000萬畀所謂既民主派,當中唔少仲係「佔中」發起人同支持者添!我又想問下嘞,傳媒老闆一方面捐錢畀政界人物、另一方面又做政治新聞,咁即係自編自導自演搞政治啫,咁同「自製新聞」有乜分別呀?如果泛民金主又係佢,「做新聞」又係佢,咁張報紙又點會獨立無黨派呀?香港市民,你懂的!

評論