出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
議會重回正軌 議員紓解民困
議會重回正軌 議員紓解民困

勾結外國勢力四人組公民黨楊岳橋、郭榮鏗、郭家麒同會計界梁繼昌被DQ,其他15名攬炒派議員玩總辭,囍雨留意到,不論係建制派定係攬炒派支持者,都熱烈表示歡迎,有意見甚至認為攬炒派總辭如同自掘墳墓、自斷議會之路。囍雨個人比較務實,覺得大家應該從實際角度睇下呢班政客總辭會為議會帶嚟咩結果,一個最簡單嘅推算,就係無咗攬炒派喺議會拉布、點人數(相信熱血公民鄭松泰唔會咁做),議會幾近可以話係重回正軌、路路暢通,政治、經濟以至民生議案,都可以順利通過,惠及市民大眾,現任議員是全力開動的時候了!

 

防疫抗疫 恢復經濟

 

之前政府推出第二輪防疫抗疫基金,攬炒派就喺議會拉布,不但提出中止待續議案,仲喺表決時全投反對票,囍雨就喺度諗,當政府日後再推出類似議案時,相信唔會再遇到無理嘅反對,更唔會出現惠及民生議案都有一班政客反對嘅情況;再推論落去,就係防疫抗疫以外,政府可以適時推出提振經濟嘅議案,相信亦唔會好似之前咁,俾不斷嘅拉布行為阻撓,最終受惠嘅,就係香港市民。

 

政治方面,其實由香港回歸祖國到今日,社會上唔少人已經講過「無數」次,作為喺《基本法》訂明嘅憲制責任,港府應該主動為《基本法》第23條立法,禁止任何叛國、分裂國家、煽動叛亂、顛覆中央人民政府及竊取國家機密嘅行為,以至禁止外國政治組織團體在香港進行政治活動等等;由回歸到依家已經23年,港府係咪應該襯呢個少咗攬炒派議員嘅時間,切切實實推行立法工作呢?

 

房屋問題 重中之重

 

另一方面,香港普羅市民依家面臨最嚴峻嘅問題,就係香港欠缺可發展土地,搞到房屋供應少、樓價持續高企;喺未來接近一年時間,港府除咗可以全力推行明日大嶼嘅填海計劃之外,其他拓地措施,包括發展棕地、新發展區等等,都可以全速進行。老實講,政治問題,可以人人有唔同意見,但對於解決房屋問題,係唔應該俾攬炒派政客嘅「為反對而反對」立場所阻礙,既然佢哋依家決定總辭,政府、立法會就唔可以再錯失解決土地房屋問題嘅良機。

 

喺網上,囍兩見到立法會2020-2021年度嘅立法議程,當中有部分例如性別歧視(修訂)條例、公司(企業拯救)條例等都非常重要,未來一年,立法會應該全速前進,議會絕不能夠再磋跎歲月! 


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

21
好正
9
心心眼
2
好好笑
1
令人傷心
2
嬲爆

評論