議席無永續 DQ唯自招
議席無永續 DQ唯自招

近日,陸續有消息透露人大常委會可能會開會落實有關「DQ議員」嘅草案,當中最重要嘅一點,就係為香港特區政府制定憲制框架,包括訂立「愛國者標準」,港府日後可以依據草案,去檢視特區公職人員,是否符合標準;如果唔符合標準,公職人員包括立法會議員就可能被DQ,簡單嚟講,就係如果有人連基本標準都唔符合,就唔駛旨意繼續「支糧」。攬炒派議員對於或者出台嘅草案,就係「若人大常委會落實取消任何議員資格,將義無反顧集體總辭」。其實,議席本身無「永續」嘅概念,囍雨反而會問,點解中央、港府要出糧俾攬炒派議員「拖政府後腿」呢?


點人數的拉布方程式


如果大家有留意近月嘅立法會會議,會發現攬炒派立法會議員基本上已經唔敢衝擊但佢哋就透過不斷點人數、意圖搞到立法會流會,以達致其拉布嘅目的。過去數周,佢地合共點咗80次人數,有會議更點超過10次,共造成3次流會,而每次攬炒派議員一提出點人數,佢哋就即時拉隊離席,喺呢個情況底下,攬炒派好明顯唔係咩根據《議事規則》履行議員職責,而係想癱瘓議會!


根據《基本法》第104條,「香港特別行政區行政長官、主要官員、行政會議成員、立法會議員、各級法院法官和其他司法人員在就職時必須依法宣誓擁護中華人民共和國香港特別行政區基本法,效忠中華人民共和國香港特別行政區」,大家睇以上《基本法》條文,再睇下攬炒派議員嘅表現,佢哋有可能係擁護《基本法》,有可能係效忠特區咩?連基本標準都唔符合,如果仲想繼續霸住個議席「守護糧支」,抱歉,唔單止中央政府、港府唔容許佢哋咁做,相信廣大市民都唔會同意。


留意或被DQ的攬炒派


根據傳媒報道,公民黨楊岳橋、郭家麒、郭榮鏗以及會計界議員梁繼昌都係被DQ嘅高危人物,其實佢哋嘅共同特徵,就係都係「勾結美國勢力」甚至請求美國制裁香港嘅「不良紀錄」;試問,一班對外要求外國搞自己國家、特區,對內又想癱瘓議會嘅政客,豈容於政治體制之內?


有評論認為,除咗以上四人,民主黨林卓廷、許智峯都應該被DQ,囍雨就覺得,除咗呢六個政客,其實仲有其他攬炒派立法會議員甚至區議員,都唔符合擁護《基本法》、效忠特區嘅標準,如果將佢哋逐出議會,會令議會運作更順暢,仲節省到公帑開支,可以話係一舉兩得。


圖片來源:文匯報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

21
好正
7
心心眼
7
好好笑
2
令人傷心
1
嬲爆

評論

  • 龙一吟
    龙一吟
    3年前
    0 回應 檢舉
    回歸廿多年了,漸露曙光,但毒心必更狂,我們要有心理準備,亂局不斷,但國法更明確更強大,反華漢奸將沒有好收場。

    沒有更多評論

    沒有更多評論