出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
國安法一百日 還社會安寧
國安法一百日 還社會安寧

昨日為《港區國安法》(下稱「國安法」)生效嘅第100日,喺呢段時間,唔同人對「國安法」有唔同睇法,攬炒派會認為,「國安法」令反政府人士嘅自由被「收窄」,但「國安法」所限制嘅,根本只係唔俾反動分子分裂、顛覆國家等等;囍雨認為,「國安法」嘅真正效果,就係打殘咗黑暴運動,令香港開始重回正軌。而黑暴運動嘅窮途末路,則意味我哋有望回復正常生活,再唔需要活喺暴力陰霾之下!


港獨組織瓦解 亂港政客收山


講開「國安法」,第一樣嘢要講嘅,當然係「港獨」組織嘅分崩離析,當中包括「香港眾志」解散、香港民族陣綫「轉戰海外」、學生動源解散「香港本部」、香港獨立聯盟解散香港境內成員等等;有「港獨」組織解散,亦有唔少禍港政客「收山」,當中包括前政務司司長陳方安生,亦包括一直煽動「港獨」思想嘅陳雲,甚至連不斷在港興波作浪嘅戴耀廷,都一度話自己要「爭取休息時間」、「專注於學術工作」。


因為「國安法」嘅震懾力,我哋甚至見到好多年輕嘅攬炒派政客「出走」,例如本來要參選立法會選舉嘅羅冠聰,就「不動聲色」地去咗英國,聲言繼續打「國際戰線」;其他「出走」或潛逃例子,仲有前香港獨立聯盟召集人陳家駒、前民間外交網絡發言人張崑陽等等。如果無「國安法」,可能呢班人仲喺香港搞緊反政府甚至反中央行動,由此足見「國安法」,根本就係香港嘅「驅邪神針」!


街頭暴力大大減少


最重要嘅一件事,就係「國安法」生效後,嚴重嘅街頭暴力、打砸搶燒行為大大減少,即使係日前反政府人士喺網上「吹到大一大」嘅10月1日行動,最後都只係變成一場反政府人士俾警察拘捕嘅「送頭」行動;當暴徒暴力大大減少,香港就有望重回正軌,市民亦唔需要好似之前咁,怯於暴徒暴力而不敢作聲。


誠如被暴徒用火燒、嚴重燒傷嘅李伯的太太所言,「立了香港國安法,對香港人來說是最好,具有阻嚇作用,希望警方可以早日將暴徒繩之以法,等人可以早日安定繁榮」。但願有咗「國安法」,黑暴徹底消失,暴徒從此絕跡,還社會安寧!


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

4
好正
1
心心眼
1
好好笑
2
令人傷心
2
嬲爆

評論