聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
攬炒派「形勢大好」?
攬炒派「形勢大好」?

廣男最近睇緊一本歷史書,書嘅主角唔講,但發現當中有一啲情節都幾得意,明明一個皇朝喺戰爭中節節失利,但總有啲人謊報軍情,令人民以至朝廷以為自己「形勢大好」,結果當然就係錯判形勢,「一子錯,滿盤皆落索」啦!最近,有朋友分享咗個網絡討論區嘅發帖俾廣男睇,內容大致係話黑暴分子論民意、國際戰線等「成績」,用意估計係想話黑暴運動等「有成果」、黑暴分子「贏緊」啦!廣男同呢位朋友講,黑暴分子輸到兵敗如山倒,都可以掉轉嚟講,呢啲算唔算係「自慰」...?


暴徒分子出走 外國勢力無助


對於呢種「黑暴有成果」嘅說法,廣男首先想問一句,如果真係咁,點解「12瞞逃」要潛逃到台灣仲要俾內地海警拘捕?點解會有五名黑暴分子潛逃台灣然後喺台灣「被消失」?呢種「形勢很好,但要著草」嘅邏輯,真係好抱歉,廣男理解唔到。喺政治鬥爭當中,大家會唔會見到輸咗要逃命嘅人聲稱「有成果」,然後繼續執法嘅就係「輸家」?唔會掛!


至於所謂「國際戰線」,廣男想問一句,外國勢力或者境外勢力,有冇實質地支持香港嘅黑暴分子?上面嘅例子,有香港人去到台灣俾當局拘禁咗,姓名同被扣地點全無公開,據報連律師都見唔到喎!講英美,英國所謂強化BNO,最明顯嘅效果,只係叫香港人帶夠錢去英國「燒」,捱得過五、六年先申請永久居留;至於美國,其實攬炒派政客係咪仲未分清楚,美國到底係真心「幫」香港,定係借機打壓中國呢?


過萬人被捕


喺過去一年多嘅黑暴運動,被捕人數已經超過一萬人,當中近4,000人為學生,恕廣男坦白講句,如果被捕人士係攬炒派政客嘅「兵」,咁攬炒派可以用啲「兵」,尤其係激進果批,基本上已經做晒「炮灰」,街頭嘅暴力行動大減,攬炒派賴以脅逼政府、引起國際關注嘅「勇武」力量銳減,攬炒派形勢又會好得去邊呢?


講真,呢啲所謂「成果圖」或者「製圖」,整出嚟都係想叫黑暴分子繼續「去馬」啫,如果繼續抗爭咁有用,整呢啲圖出嘅人,不論係黃之鋒好,連登仔也好,仲留喺屋企?大家一齊出嚟衝啦,唔好淨係叫人哋送頭!場仗會「贏」㗎喎! 


圖片來源:中通社


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

58
好正
14
心心眼
36
好好笑
19
令人傷心
32
嬲爆

評論

  • tomwkchan@163.com
    tomwkchan@163.com
    1月前
    0 回應
    黑暴是香港的污点,应该大力地擦去!不收痕迹!

    沒有更多評論

    沒有更多評論