聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
被DQ梁繼昌不要「扮無辜」
被DQ梁繼昌不要「扮無辜」

今日社會其中一個熱話,就係競逐連任會計界立法會議員嘅梁繼昌被DQ,有啲人話「立場溫和」嘅梁繼昌「都被DQ」真係估唔到,而梁繼昌今朝喺電台節目,亦裝出一副「無辜」嘅樣子,指自己無直接要求外國干預,而且自己係唔希望美國制裁香港。但事實係點呢?不如等廣男同大家睇真啲啦!

 

曾要求美國制裁香港才是重點

 

根據《生果報》嘅報道,選舉主任DQ梁繼昌時認為梁繼昌所屬嘅專業議政,曾經透過社交媒體發文指美國應嚴正執行《香港人權及民主法案》制裁,意味專業議政「清晰表達支持美國政府施加制裁的立場」,換句話說,重點在於梁繼昌所屬嘅專業議政叫美國快啲制裁香港,廣男睇返專業議政今年三月嘅社交媒體發帖,喺一個有梁繼昌訪美相片嘅發帖入面,專業議政表明喺政府拒絕獨立調查、五大訴求嘅情況下,美國應嚴正執行《香港人權及民主法》中嘅報告和制裁。事實擺在眼前,專業議政以至梁繼昌,仲想話自己無要求美國制裁香港?

 

看看莫乃光的新聞稿

 

喺幾位包括梁繼昌在內嘅攬炒派議員仲喺美國嘅時候,莫乃光就有一篇新聞稿,入面寫明「梁繼昌認為《人權法》的執行是不會影響企業在香港的正常運作」、「他(梁繼昌)會上亦向美方官員查詢,亦獲得澄清香港市民是可以根據既定渠道,去舉報及投訴有涉嫌反違反《人權法》的官員」,廣男又要問多一次,梁繼昌咁都可以話自己無要求外國干預、制裁香港?

 

今年3月12日,梁繼昌主持咗一個「民主派總結訪美之行」嘅記者會,會上譚文豪講明「我哋(應包括梁繼昌)是會組織如何盡快開啟(制裁)這動作,當然我們沒有可能做盡所有香港市民應該需要的制裁,但我們覺得還是要開始(制裁)」;梁繼昌唔係想講,專業議政嘅社交媒體發帖唔關佢事?佢有份主持嘅記者會,與會者所講嘅又無佢份呀?大家信唔信梁繼昌? 廣男就唔係好信喇!


原圖:梁繼昌fb


請Follow我們的YouTube頻道:<p><a href="https://bit.ly/2kgU8qg" target="_blank">https://bit.ly/2kgU8qg</a><br></p>

 

下載我們的手機應用程式,收看第一手精彩內容:

<p><a href="https://www.speakout.hk/app" target="_blank">https://www.speakout.hk/app</a><br></p>


瀏覽我們的IG:<a href="https://www.instagram.com/speakout_hk/?hl=zh-hk" target="_blank">https://www.instagram.com/speakout_hk/?hl=zh-hk</a><br>


28
唔係呀哇
54
嬲爆
31
搞笑咩

評論