【短片】【笑聞一分鐘】赴台灣教社運?陳健民好走唔送!

//既然有咁好機會,到台灣傳授「佔中」絕學,陳健民就唔好再返嚟啦!//

 

咩叫歪理當真理?睇睇反對派嘅中文大學社會學系前副教授陳健民就知啦!話說發起違法「佔中」、舊年出獄嘅佢,今日宣布,應台灣政治大學邀請,成為政大訪問教授一年。佢仲係電台節目話自己係咩咩咩「好敏感嘅人」,教嘅都係「社會運動」同「當代中國」呢啲「好敏感嘅學科」,喺香港無人敢請佢教書,希望一年後有機會返嚟香港喎。

 

哇哇哇,獄中就收到台灣邀請,仲有得去當地教授敏感學科,睇嚟陳健民同台灣嘅關係真係非同小可。當被問到驚唔驚犯《港區國安法》時,陳健民仲戴定頭盔話自己好識分清楚,唔會係課堂上表達個人政治意見,甚至會一如既往,刺激學生思維。

  

回帶睇睇,陳健民同台灣真係好有「緣」。2013年,民進黨前主席施明德密會佔中發起人之一嘅朱耀明,更公開答應考慮赴港協助「佔中」,其後陳健民仲係香港會晤民進黨元老、有「台獨理論大師」之稱嘅林濁水。正所謂「來而不往,非禮也」,台灣應該好好留住陳健民,香港就少咗個荼毒莘莘學子的教授、台灣多咗個可以刺激學子思維嘅老師,說不定幾年後,台灣會再來一場太陽花運動2.0。 真係一舉兩得,可喜可賀!拜拜陳健民,好走唔送啦!唔好望返轉頭呀!


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

16
好正
3
心心眼
8
好好笑
1
令人傷心
1
嬲爆

評論