【笑聞一分鐘】大嚿真霸道  仲講資訊科技OUT哂喇?

情人節就快到喇,不過講到立法會班議員,最關心嘅應該唔係點樣同情人過囉,梗係啦,被人拉布拉到就嚟死嘅創科局當日就會面臨生死線啦嘛!好緊張呀!朝早大嚿就先同羅范喺電台隔空開波添呀!

嘩嘩嘩,乜大嚿你原來都仲記得,當年就係你哋班泛民拖冧咗個五司十四局,攪到個科技局無運行咩?查實當年真係多得你哋唔少嘞,如果唔係你哋玩拉布,今時今日大家就唔使為個創科局咁頭痕喇,仲可能已經帶領緊香港點樣去攪好科技、提升競爭力添!仲有呀,大嚿你話依家科技局無咗「資訊」兩個字,喂,羅太即刻話年代唔同哂啦,再講你梗係無睇馬雲個講座喇,馬雲都話架,未來再唔係IT時代啦,已經走進DT嘅數據科技年代,你仲講「資訊」?唔話你OUT驚你嬲呀!仲有呀,南韓都有個創新部喇,香港仲唔講創新?唔係攪倒退呀?講開又講,大嚿同羅太交鋒期間,係咁狂鬧對方霸道喎,哈,真係好想問下廣大市民,大嚿拉布唔畀個惠及民生嘅創科局通過,咁樣唔知邊個先係真正霸道呢?

 

評論