《蘋果》前員工為何不發聲?
《蘋果》前員工為何不發聲?

《蘋果日報》上月底正式停刊,香港立時迎來一番新氣象,不過《蘋果》班前員工就慘啲,仆心仆命為老闆黎智英賣命,因為間公司涉嫌違反《港區國安法》而突然失業,人工、墊支、津貼等福利都全部被拖欠,正宗有汗出冇糧出。不過更震撼嘅消息可能陸續有嚟,《蘋果日報》母公司壹傳媒尋日終於發公告交代財政狀況,當中最為人注目嘅係該公司原來早前已經還咗錢畀黎智英,款額仲有成1.5億港幣咁多添,《蘋果》班前員工真係羨慕到流晒口水囉。


壹傳媒向黎智英還錢1.5億


壹傳媒尋日公布,話截止5月31日,未經審核嘅銀行及現金結餘,約有3.37億港幣,較3月31日嘅約5.21億港幣,減少約1.83億元港幣,主要原因係因為集團喺四月,向肥佬黎償還1.5億港幣貸款。另外,該公司又聲稱,於6月29日收到一名獨立第三方買家洽購《台灣蘋果日報》的建議,強調管理層正與潛在買家討論,如能落實出售,集團將不再在台灣維持任何業務。


喺分析上述事件前,囍雨必須重申,絕對唔係要批評壹傳媒還錢畀黎智英,欠債還錢、天公地道,壹傳媒冇做錯呀,囍雨只係替《蘋果》班前員工唔抵咋,黎智英一次過就收足1.5億港幣還款,可憐班前員工到而家仲未收到欠薪,講緊可能每人都係幾萬蚊啫,同1.5億比真係「蚊髀同牛髀」囉。


台灣業務頻出賣 有錢會否畀前員工?


話時話,壹傳媒未來極有可能出售《台灣蘋果日報》,到時唔知壹傳媒會點樣用收返嚟筆錢呢?係會再還錢畀黎智英先,定係會拎嚟出糧畀班前員工呢?若然係出糧的話,會用咩方式出呢?用台幣出?用台灣銀行交易?定係叫班前員工去台灣收錢呢?以上種種問題,《蘋果》班前員工係咪都應該出聲等管理層解答呢!


再者,除咗出售《台灣蘋果日報》,壹傳媒早前就成功就出售台灣桃園地皮事項同買家訂立買賣協議,代價為5億元新台幣,相當於約1.39億港幣。壹傳媒收足賣地皮嘅錢未,呢個外界唔知,但如果有阻滯的話,尋日嘅集團公告理應都有交代吖。所以有理由相信,交易係順利嘅,就算壹傳媒至今未收到錢,相信離完成交易亦唔係太遠。都係嗰句,唔知壹傳媒收到錢後,會唔會用嚟出糧畀前員工?定又係會先將錢交晒畀肥佬黎,以免「肥水流向別人田」?


據講,已經有唔少《蘋果》前員工拎住欠薪紀錄向勞工處求助,將來或許會有人申請破產欠薪基金都唔定。破產欠薪基金係被欠薪僱員最後嘅辦法,囍雨奉勸壹傳媒一句,如果真係有錢喺手嘅,都係盡快出糧畀班前員工先啦,反正多案纏身嘅黎智英幾時可以出嚟都唔知,還畀前員工先,等班前員工多個錢傍身都好吖!



請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

14
好正
0
心心眼
3
好好笑
1
令人傷心
3
嬲爆

評論

  • shuyicai58@gmail.com
    shuyicai58@gmail.com
    1月前
    0 回應
    视频屏幕显示条铁丝穿透了浙江阴险毒辣狡辩狠辣娼妓琪的喉管即刻死了还她吐出长得恐怖terrible舌头钉住钉子。
    • shuyicai58@gmail.com
      shuyicai58@gmail.com
      1月前
      0 回應
      J
      • shuyicai58@gmail.com
        shuyicai58@gmail.com
        2月前
        0 回應
        续约吗?英国的私人编辑室主编茱粼收到帐单她的银行余额4,697,689而她透支5964她开张支票

        沒有更多評論

        沒有更多評論