《生果報》的末日?
《生果報》的末日?

警務國安處今日早上拘捕五名《生果報》董事,佢哋涉嫌違反《港區國安法》,涉及刊出幾十篇中、英文文章呼籲外國制裁香港同中國,而警方亦有強烈證據顯示有文章係有串謀計劃重點,藉以予外國或境外機構口實作出制裁;另外,警方亦凍結《生果報》等三間公司共1,800萬元資金。對於《生果報》董事「落鑊」,係咪代表《生果報》嘅管理層時辰到、要找數?而江河日下嘅《生果報》,又係咪走向末日呢?


若涉違法 就要執法


成件事,反對派以至反對派媒體,一定會認為警方行動係「打壓」傳媒,但誠如警方國安處高級警司李桂華所指,行動並非針對傳媒,《港區國安法》實施後《生果報》仍有刊登相關文章,被捕人作為東主、出版人及編輯,對出版文章嘅內容、風格以及方針都係責無旁貸。囍雨就認為,如果係涉嫌違法,不論係政客、傳媒人或者咩身份都好,都不可能逃避法網,如經定罪都要「找數」!


事實上,喺反修例運動期間,《生果報》就積極扮演「鼓吹者」嘅角色,不時煽動市民上街,而《生果報》最令人憤慨嘅地方,就係明目張膽地叫外國干預香港事務;囍雨尤其記得,上年五月,《生果報》就以報章頭版,呼籲市民去信時任美國總統特朗普、要「一人一信救香港」,睇到報道果下,囍雨直頭懷疑,到底《生果報》係勾結外力嘅政治組織,定係一個傳媒機構呢?


黎智英是獲「認證」的反共人士


《生果報》作風反中亂港,其實唔係咩新聞,例如其老闆黎智英,就曾經明言自己「為美國而戰」,最近,黎智英仲獲得美國「共產主義受害者紀念基金會」頒獎,以表揚佢「畢生致力於香港自由民主,頑強反對共產主義及其他任何形式的暴政,以及不計代價、堅決為反抗中共獨裁統治而奮鬥」。黎智英用乜嘢工具或手段反共?當然係《生果報》呢個媒體啦!


有人曾經講過,「誰擁有傳媒,誰就有發言權」,囍雨完全同意呢一點,不過有「發言權」,唔代表可以有違法嘅「特權」;一群幫黎智英做事嘅「心腹」被捕,要怪,或者只能怪自己企咗喺黎智英「反中反共」嘅一方,依家囍雨同樣關心,《生果報》董事、管理層被捕,又有資金被凍結,《生果報》仲可唔可以營運落去呢? 



請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

26
好正
6
心心眼
5
好好笑
2
令人傷心
4
嬲爆

評論

  • Happy21
    Happy21
    2年前
    0 回應 檢舉
    :+1:
    • Happy21
      Happy21
      2年前
      0 回應 檢舉
      :blush:
      • Happy21
        Happy21
        2年前
        0 回應 檢舉
        good

        沒有更多評論

        沒有更多評論