一個宣揚「西藏自決」政客 如何執掌大律師公會?
一個宣揚「西藏自決」政客 如何執掌大律師公會?

最近,關於香港大律師公會新任主席夏博義(Paul Harris)嘅爭議越揭越多。除咗發表「修改國安法」論、另一身份係英國英國牛津市議員(直至出任大律師公會主席前夕才辭任)之外,本身係英國自由民主黨一員嘅夏博義日前又被揭發,原來佢早於數年前已經公開發表文章鼓吹「西藏自決」、宣揚西藏係「獨立國家」。囍雨首先要問,一個鼓吹「西藏自決」、分裂中國國土嘅外國二流政客,依家竟然係中國嘅特別行政區,執掌香港大律師公會、手握香港司法界大權,於情於理適合嗎?可以接受嗎?


據報道,早於2008年5月8日嘅《英國金融時報》入面,夏博義就發表過一篇題為《Tibet has stronger self-rule case than Kosovo》(大意為「西藏較科索沃有更強的自治規則」)嘅文章,筆者理解,此文目的就係為「西藏自決」立論著說搵「理據」。例如文章開宗明義設問「西藏在國際法下有自決權嗎?」,又指中國稱西藏係中國一部分「這一主張存在著重大的歷史問題」,「如果科索沃擁有自決權,那麼西藏的權利將無限強大」、「西藏作為一個國家的身份(Tibet as a country)比科索沃清晰得多」等等。但夏博義宣揚「西藏自決」論嘅文章,似乎唔止呢一篇,據報夏博義還曾寫過一篇講「西藏是否具有民族自決權」嘅文章,大家從中又可見夏博義宣揚西藏係「獨立國家」、應該有「民族自決權」,又形容令西藏人民處於「異族奴役、統治和剝削」之下等等。


夏博義至今有否放棄「自決」主張?


囍雨大膽假設,如果夏博義鼓吹「西藏自決」始於2008年,咁背後有咩原因呢?呢度扯開少少同大家探討下,講起2008年,大家多數可能會記得有北京奧運、有汶川地震,但當年喺西藏,其實仲發生過一場「3·14拉薩打砸搶燒暴力犯罪事件」,如果重溫事件始末,大家就會發現,呢個係一場被指由達賴集團勾結境外勢力,預謀、煽動嘅分裂國家騷亂。依家睇番轉頭,假如真係如囍雨猜測,喺「3.14事件」之後,夏博義就開始不斷撰文宣揚「西藏自決」,咁可唔可以理解為,夏博義「咁多年嚟」其實都冇放棄過「西藏自決」立場?


事實上,即使依家夏博義嘅「西藏自決」文章曝光至今,囍雨都未見佢宣布會撤回有關文章,亦都冇明確表態話自己反對「藏獨」、反對分裂中國。但今時今日,夏博義呢個有英國政黨背景、主張「西藏自決」嘅外國政客,搖身一變成為咗代表香港香港大律師專業團體、代表香港司法界嘅重要人物,咁囍雨想問下,由佢執掌嘅大律師公會,究竟係專業團體定係政治團體?代表英國定係香港?抑或係反中團體?喺英國,又會唔會容許一個主張分裂英國嘅其他地方政客,代表英國嘅律師專業?


請馬上辭任大律師公會主席!


囍雨據聞,夏博義早年嚟香港執業之後,仲有份成立「香港人權監察」,而「香港人權監察」又被指與直接受美國政府出資嘅「美國國家民主基金會」(NED)有政治聯繫。睇番成件事,夏博義冇申報佢嘅政治背景、政黨身份,又鼓吹「藏獨」、分裂中國,仲隨時同「美國勢力」有千絲萬縷嘅連繫。事到如今,囍雨認為夏博義應該馬上辭職,否則大律師公會嘅「外國政治聯繫」,的確水洗都唔清!


原圖:rthk、oxonlibdems.uk


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

36
好正
11
心心眼
5
好好笑
3
令人傷心
20
嬲爆

評論

  • Hoho3280@yahoo.com.hk
    Hoho3280@yahoo.com.hk
    2年前
    0 回應 檢舉
    趕佢出香港啦
    • +85296****33
      +85296****33
      3年前
      0 回應 檢舉
      海盗扮紳士攪亂香港反中國
      • +85293****26
        +85293****26
        3年前
        1 回應 檢舉
        滾回英國去

        沒有更多評論

        沒有更多評論