出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
《生果報》換了新主子?
《生果報》換了新主子?

「拜登新政:真正『美國優先』」、「撇開對特朗普個人施政作風的看法,他在應付疫情上只能以無心無力四個字形容」、「可以說,當前美國疫情危機,特朗普政府無能實在難辭其咎」,到底係邊個喺度踩美國前總統特朗普,兼喺度「歌頌」美國現任總統拜登呢?噢,原來係《生果報》喺社評「踩一個,捧一個」!咁就奇怪喇,《生果報》包括其創辦人黎智英之前明明捧到特朗普上天,依家《生果報》轉軚轉得咁快,係咪拜登一上場,《生果報》就要換「主子」?政治呢樣嘢,真係好現實。

 

拍馬屁 拍出面

 

呢篇題為《拜登新政:真正「美國優先」》嘅「蘋論」,作為社評,好明顯應該代表到《生果報》立場,囍雨喺度節錄一段俾大家睇,等大家感受下《生果報》對拜登嘅「熱情」:

 

「順利上任後,拜登隨即發表就職演說及簽署一大堆行政命令,以此列出新政府的施政優次,包括全力抗疫、振興經濟及重建社會穩定秩序及國家團結。他的說法在很多人眼中沒有甚麼新意,也不算甚麼驚天動地大計,但正正是美國此刻最需要做好的事。」

 

如果係攬炒派中嘅所謂「左膠」讚揚拜登,囍雨覺得唔出奇,奇就奇在,《生果報》包括黎智英一直極度支持特朗普,依家拜登一上場就自動「轉主子」,會唔會轉軚轉得太快呢?喺呢度,等囍雨提提大家,《生果報》曾經喺其報章呼籲特朗普「救香港」,黎智英助理Mark Simon(唔知辭咗職未)更曾經用黎智英公司嘅錢攞去做涉嫌造假抹黑拜登父子嘅「報告」,事後引起軒然大波,依家係咪想喺報道、評論度轉軚、洗底,就當「無事」發生先?

 

沒有原則的傳媒?

 

囍雨比較是非分明,覺得《生果報》咁做無用,就如上述所講,Mark Simon甚至係黎智英曾經涉及「造假」抹黑拜登父子,人哋美國民主黨計正應該封殺《生果報》以至黎智英,依家寫幾隻字就當「歸邊」,應該無咁便宜呀?而《生果報》嘅急轉彎,囍雨更覺得佢哋極度無原則,如果揀咗支持特朗普,點解唔支持到底?囍雨相信,《生果報》之後支持拜登嘅報道、評論文章可能陸續有嚟,香港攬炒派支持者嘅意見唔重要,最緊要係《生果報》能夠「黏住」拜登以至美國民主黨。

 

不過,恕囍雨坦白講句,其實《生果報》都唔駛再喺度晒心機,事關在《港區國安法》生效之後,不論係《生果報》、黎智英以至攬炒派,都再無勾結外力嘅空間,而外國勢力越要干預中國以至香港,只會更容易令中方作出反制。反正都無效果,《生果報》點解唔企硬,支持特朗普到底?《生果報》想拍現任美國政府嘅馬屁,人哋都未必受啦! 


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

27
好正
2
心心眼
24
好好笑
3
令人傷心
8
嬲爆

評論

  • +85293****26
    +85293****26
    1月前
    0 回應
    垃圾報,

    沒有更多評論

    沒有更多評論