聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
相繼賣樓 唔係想走?
相繼賣樓 唔係想走?

《港區國安法》喺香港生效之後,精明嘅攬炒派圈中隨即掀起一股「出走」或者「退隱」潮;而隨住近期黎智英、戴耀廷等一批「有份量」嘅涉案人士齊齊「落鑊」,攬炒派中人士似乎又有新動向,就係相繼賣樓。幾日前,支聯會主席兼工黨副主席李卓人就被揭突然以低於市價沽出美孚新邨單位;噚日,民主黨副主席林卓廷又被踢爆,於上星期以過千萬元沽出沙田自住物業,不過據報每呎造價就低於市價約一成。即係話,就算低價、蝕讓,都要賣樓套現,大家覺得當中有冇「景轟」?攬炒派政客相繼賣樓,係咪打算齊齊走佬?

 

對於外界嘅「猜疑」,李卓人就話係因為睇淡樓市,眼見唔少人已經移民,「對後市冇信心」,又強調自己「唔會移民,唔會離開香港」;而林卓廷就直頭批評外界有關「走佬」一說係「毫無根據嘅污衊」,表明自己唔會縮,會喺香港「企到最後一刻」;賣樓只係為咗手頭寬裕啲,以應付打官司同埋仔女海外升學嘅開支等等。

 

說「不走」的都走了

 

對於佢哋嘅講法係咪可信,就見仁見智喇;廣男當然唔可以話,佢哋依家賣樓,就必定係為日後走佬謀定後路,之不過睇番攬炒派人士走佬嘅「往例」,李、林二人話自己「唔會走」,又好似真係有啲難以令人信服喎!林卓廷嘅前黨友許智峯,一開始都話自己去丹麥開會只係「公務外訪」,話「星期五就返」,結果就係帶住一家大細「走咗」;前香港眾志嘅羅冠聰,當初都話志在參選立法會,結果「初選」未到就急急「走咗」;涉嫌2016年旺暴嘅前「本民前」召集人黃台仰,曾經亦都豪言「寧為玉碎,不作瓦全」,結果點?又係趁住「交流」,結果走佬…依家李卓人同林卓廷,大家唔好忘記,都係「有案在身」之人,尤其林卓廷仲涉嫌「顛覆國家政權罪」;趕住賣樓,唔係想走?更何況,幾時係「最後一刻」,都係隨得佢自己演繹啫!

 

退一步講,就算真係「唔走」,廣男比較好奇嘅係,依家佢哋套現之後,話嗮都「幾百萬落袋」,會唔會支援下手足?廣男「現實」啲講句,大家其實可以睇清呢啲政客,原來可以一邊食人血饅頭,一邊賺議會份人工,然後仲可以賣樓賺經濟紅利,所以幾時都話,攬炒派政客真係點都「冇得輸」!對比起要坐監、或者到咗外國但又冇錢生活嘅黑暴分子,大家係咪覺得二人特別「富貴」!

 

黃之鋒家人也「飛了」

 

既然有咁多走佬嘅先例,廣男就話,佢哋自己點「表態」,都難以作實,始終「身體最誠實」;最緊要一點,係以防萬一,唔好再俾「有案在身」之人輕易走甩!最後,廣男順帶話俾大家知,據報目前身在獄中嘅前香港眾志黃之鋒,其父母同胞弟日前已離港前往澳洲,而且舊年亦都賣咗香港層樓、帳面獲利500幾萬元。種種跡象,係咪已經好說明問題?大家不妨估下,「下一位」會係邊個?


原圖:rthk


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

14
好正
2
心心眼
6
好好笑
2
令人傷心
5
嬲爆

評論

  • +85293****26
    +85293****26
    1月前
    0 回應
    心中有屎

    沒有更多評論

    沒有更多評論