出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
黑色的洗腦繪本
黑色的洗腦繪本

「羊村入面有十二位勇士因為大灰狼嘅迫害,而被迫離開佢哋最心愛嘅屋企。佢哋匆匆忙忙上船離開,前面又有啲咩難關等緊佢哋?而羊村入面嘅羊咩咩又可以點幫十二位勇士?」

 

12勇士受到大灰狼嘅「迫害」?羊咩咩又可以點幫到12位勇士?以上內容,係關於一本俾家長同年幼小朋友睇嘅「繪本」,大家可能一睇就會估到,呢個係一個美化甚至歌頌畏罪潛逃「12瞞逃」嘅洗腦故事,囍雨好奇,一本擺明歪曲是非、顛倒黑白嘅繪本,點解仲可以面世甚至廣傳?教育部門又係咪有措施可以採取?

 

噚日,立法會教育事務委員會研究幼稚園、中小學教科書及教材編製小組委員會就校本教材管理、質素等進行討論,有議員質疑一本喺去年出版嘅「羊村十二勇士」兒童繪本,形容「12瞞逃」為勇士,被指涉及政治宣傳,教育局副局長蔡若蓮呼籲校方及家長勿採用。簡單嚟講,就係一本「繪本」,有問題到連鮮有發聲嘅教育局都叫人唔好用!

 

12瞞逃的真正故事

 

呢本「繪本」聲稱係俾家長同小朋友睇,但囍雨必須指出,呢本「繪本」內容大有問題,例如用「羊村十二勇士」被迫害嚟比喻「12瞞逃」,囍雨想問下有份製作「繪本」嘅香港言語治療師總工會,「12瞞逃」實則因為咩事要潛逃,佢哋敢唔敢同人講清楚?!

 

「12瞞逃」當中,有人涉嫌觸犯《港區國安法》,有人涉及暴動,有人涉及意圖縱火,有人涉及爆炸品案,甚至有人涉及製造炸彈等全部都係嚴重罪行;如果話「12瞞逃」被迫害,係咪即係話有人迫佢哋犯法?定係佢哋根本係一個又一個嫌疑「重犯」,要畏罪潛逃呢?

 

欲把黑漂成白

 

囍雨想講,單約用「黃色」,已經不足以形容相關「繪本」,有關「繪本」根本就係黑色嘅,想將黑暴運動、黑暴分子「由黑漂白」,內容可以話係扭曲事實、極度恐怖!教育相關嘅官員雖然已經呼籲學校以至家長唔好採用,但為咗保護孩子,政府係咪仲可以做多啲嘢?如果任由黑暴「材料」荼毒小朋友,將來小朋友長大,可能就會變成「新一代」黑暴分子,政府實在不可不察。


原圖:繪本插圖、香港言語治療師總工會fb


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

5
好正
1
心心眼
1
好好笑
2
令人傷心
22
嬲爆

評論

  • +85292****84
    +85292****84
    5天前
    0 回應
    唉~輕判了十二汉奸~可惜
    • +85298****17
      +85298****17
      6天前
      1 回應
      當學生上一對一言語治療堂時,居心不良者就可以肆無忌憚用呢本繪本洗小朋友腦,為黑暴培育勇(烈)士?!

      沒有更多評論

      沒有更多評論