出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
為何要「感謝」總辭議員?
為何要「感謝」總辭議員?

如果大家想睇下攬炒派嘅「風向」,唔駛睇晒所有攬炒派政客講乜嘢,只要睇下《生果報》嘅報道、社評,大約就會知道攬炒派諗緊啲咩,想做啲咩;今日,囍雨睇《生果報》,見到有篇題為《反對無理DQ 感謝總辭議員》嘅社評,一睇條題,就知道係一篇盲撐總辭議員嘅文章。老實講,楊岳橋、郭榮鏗等四人被DQ完全係因為佢哋連做立法會議員嘅最根本資格都無,佢哋俾人DQ,與人何尤?至於另外15名總辭議員,自動放棄議會「戰線」,一齊攬炒跳崖,又怪得邊個?要港人「感謝」佢哋,係咪感謝佢哋退出議會,從今開始唔再拖香港後腳?

 

先弄清楚事實吧!

 

根據《生果報》嘅社評,文章頭幾段嘅大概意思,大約就係話人大常委會同政府DQ無理、「閹割立法會」云云。但囍雨要不厭其煩地講幾句,今次被DQ「四人幫」,公民黨三人包括楊岳橋、郭家麒以及郭榮鏗,實實在在、有證有據地勾結美國勢力,而且仲講明叫人通過法案「制裁香港」;至於梁繼昌,專程飛到美國去「了解」美國制裁香港,返到嚟仲同其他政客召開關於美國制裁香港嘅記者會,敢問《生果報》,以上四人,如何擁護《基本法》?如何效忠特區?

 

在攬炒派政客以至《生果報》,佢哋認為總辭係「捍衛」尊嚴、以免被「矮化」,但事情嘅客觀效果,就係攬炒派總辭,無引起好大輿論,反而有唔少人認為佢哋「辭得太遲」。支持者無改變嫌棄佢哋嘅想法,外國勢力幫唔到佢哋,有媒體估計過,總辭令佢哋總共嘅財政「損失」超過8,000萬港元;名份無咗,金錢亦無,囍雨橫睇掂睇,都覺得佢哋係意氣用事多啲!

 

看2016年人大釋法

 

對於今次DQ事件,攬炒派好鍾意攞《基本法》同「一國兩制」嚟講,除咗《基本法》第104條,囍雨覺得大家可以睇下2016年因為游蕙禎同梁頌恆因為宣誓辱華而觸發嘅政治風波,當時人大常委會就《基本法》第104條作出解釋,表明宣誓係對特區作出嘅法律承諾,如果發假誓或者違反誓言,係要依法承擔法律責任;將呢個解釋套用喺今次DQ事件,楊岳橋、郭榮鏗等四人先宣誓、後勾結外國勢力出賣國家同特區,唔係違反咗自己嘅誓言咩?囍雨真係諗唔到,有邊個地方會容許自己嘅國會議員同公職人員要求別國制裁自己嘅國家,咁即係賣國,亦諗唔到點解香港可以例外!


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

20
好正
2
心心眼
4
好好笑
0
令人傷心
8
嬲爆

評論