出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
民主黨食「流亡手足」人血饅頭?
民主黨食「流亡手足」人血饅頭?

因為立法會議員延任問題,民主黨已經醜態百出,一時質疑根據民調作政治判斷,一時又話要做民調,一時又話其他民調「只係參考」;近日,為咗幫佢哋即將進行嘅民調做「宣傳」,據報民主黨印咗幾十萬份單張,開宗明義「棄守,就輸一世!每條惡法極速通過!」,最離奇嘅係,入面竟然有羅冠聰嘅相片,並引述羅「進入與否,都不會引來國際的反彈 …」,事後,前香港眾志秘書長黃之鋒批評民主黨無問過羅冠聰就用佢嚟印單張,羅冠聰就明言民主黨做法「無可避免地令我有點難堪」。羅冠聰作為攬炒派入面嘅「流亡手足」,民主黨咁樣食人血饅頭,真係食相太難看!


林卓廷的辯駁


對於黃之鋒等人對民主黨嘅質疑或批評,向來面皮夠厚、說話「無恥」嘅民主黨立法會議員林卓廷,就回應黃之鋒,辯稱單張內容有關羅冠聰發言內容,只係如實引述其公開發表章,又強調從政者討論重大公共政策,經常引述其他從政者、學者、官員或議員嘅意見,關鍵係要「準確引述」。用咗人哋嘅大頭相加說話喺單張騎劫人,然後仲「理直氣壯」咁款,囍雨真係要寫個服字俾民主黨以至林卓廷!


老實講,民主黨嘅語調,大致都係話我「如實引述」羅冠聰,「無乜問題」,但囍雨想講,份單張大字標題「棄守,就輸一世!每條惡法極速通過!」,下面啲所謂「問與答」嘅內容,全部都係想引導人去諗「留任」嘅好處或者正當性,咁佢哋喺單張刊登羅冠聰嘅說話,唔會令人誤會羅冠聰支持延任咩?無誤導成分?做錯咗,咪認咗佢囉!依家喺度耍「語言偽術」,仲醜怪。


羅冠聰做了人血饅頭


呢件事所反映嘅,就係民主黨為咗延任,除咗有意無意地營造「各方」支持佢哋延任之外,可以話係食盡人血饅頭!羅冠聰喺攬炒派陣營而言,係一個有「聲望」嘅「流亡手足」,民主黨咁啱地引用佢言論,俾人感覺就係即使係打「國際線」嘅羅冠聰,都「唔反對議員」延任,咁樣抽水,咁樣「擺人上枱」,然後講到自己完全無錯咁,呢個就係民主黨!


之前民主黨有幾十名新界東核心成員出走,當時就有退黨成員批評林卓廷「人格卑劣,毫無政治道德」,今次事件再度引證,林卓廷真係卑劣,無政治道德可言!至於整個民主黨,當然亦充滿林卓廷嘅「卑劣」風格!


圖片來源:黃之鋒社交網頁、RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

9
好正
6
心心眼
18
好好笑
5
令人傷心
8
嬲爆

評論

  • +85298****17
    +85298****17
    1週前
    0 回應
    文宣請出手,將如此狗咬狗骨事廣傳

    沒有更多評論

    沒有更多評論