盲反派議員不顧事實「鬥作大」?
盲反派議員不顧事實「鬥作大」?

特首林鄭月娥今日出席特首答問大會,結果一如所料,多名盲反派議員喺會議內叫囂、滋事,十名盲反派議員被驅逐離場;一眾盲反派議員喺會議後更加「惡人先告狀」,其中公民黨立法會議員郭家麒更稱「過去7個月香港被自殺、打死、打盲眼和政治檢控不計其數」,促林鄭月娥正面回應五大訴求云云。囍雨想問下郭家麒,佢話有人「被自殺」,有冇咩證據?佢話有人被「打死」,又有咩憑據呢?如果無,即係為咗搶Focus,喺度不顧事實「鬥作大」?


有理無理 「屈咗先講」


對於盲反派議員嘅嚴重指控,囍雨覺得大家首先要諗一點,就係盲反派議員諸如郭家麒講嘅嘢,係咪真嘅先?例如郭家麒話有人「被自殺」,佢講緊邊個,有咩證據?佢話有人被「打死」,又係講緊邊個,想講8.31太子站事件?但有傳媒已經證實反政府人士所指「被打死」嘅人,全部生還兼接受埋訪問喎。至於「打盲眼」,郭家麒係咪想講尖沙咀個「盲眼女」?如果係,「盲眼女」俾邊個打盲眼都未知,事主仲想阻止警方調查事件,件事唔係有古怪咩?


講真,盲反派不斷攞一啲「似是而非」嘅謠言出嚟講,其實都係想政府成立獨立調查委員會調查佢哋所講嘅「警暴」啫;但大家又要諗,如果一班政客咁偏頗,未清楚各事件原委就喺度「屈」,咁就算成立咗獨立調查委員會,喺充滿偏見嘅政客干擾下,調查委員會可以做啲乜?又或者會唔會查完盲反派都係唔信,喺度繼續老屈呢?依家盲反派政客,都係信「感覺」多於事實㗎啦! 


謠言、假新聞充斥議會


郭家麒等議員喺立法會「亂講一通」,好似「好平常」、只係鬧下政府咁,但囍雨必須指出,就係因為呢啲謠言、假新聞,令到社會矛盾不斷加劇,對立都今日依然未停止。喺呢度,囍雨真係要同盲反派講一句,要指控政府、警察,唔緊要,但要作出指控,應該要根據事實,唔係根據謠言,如果作為立法會議員講嘢都可以咁不負責任,咁對公眾會立下極壞嘅榜樣。囍雨明白,仲有九個月就係立法會選舉,政客做嘢要「加把勁」,但一味「鬥作大」,對社會以至對年輕人,都係有害無益嘅! 


圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

17
嬲爆
2
超無奈
0
無意見

評論