聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
李怡講緊黎智英?
李怡講緊黎智英?

區議會選舉結束,有人用盲反派「大勝」形容選舉結果,有人就指出建制派得票都超過四成,所謂盲反派、建制派嘅「六四比」其實無改變過。對於選舉結果、數據,唔同嘅人當然可以自行分析同演繹,反而廣男留意到《生果報》評論員李怡有個好有趣嘅說法,就係話選前一段時間,佢本來料定選舉會取消,但「操盤者既然認為有很大機會一如既往地勝出,自然沒有喬裝者再製造事端」,見到呢種操盤者「叫停暴力」嘅說法,廣男就喺度諗,其實李怡係咪話緊佢老闆黎智英呢?


無睇老闆指導文章?


根據李怡嘅說法,大抵意思就係選前一段時間有人想取消區選,所以「懷疑是喬裝者做的過火行動,也像是為取消區選製造輿論」,到選前十日,操盤者覺得會贏,所以「自然沒有喬裝者再製造事端」,呢番說話,其實可以應用喺佢老闆黎智英身上喎!


廣男唔知李怡係咪太忙無睇報紙,其實佢老闆黎智英,喺11月17日先寫過篇題為〈我們不只得暴力一條路〉嘅文章,批評有人為咗對付政府而踰越道德底線,仲話睇到中年男子被「淋油點火焚燒,看到消息我整個人呆住了,怎麼可能魯莽如斯!」,之後筆鋒一轉,就稱「我們刻下最理想的抗爭模式是贏取今次區議會選舉的大多數議席,利用議會和街頭抗爭與政府雙線對抗。若區議會選舉失敗,只剩下街頭抗爭,我們行動便容易趨向極端」、「贏取11月24日區議會選舉,對於我們抗爭策略非常重要」。言下之意,即係為選舉叫啲暴徒「暫時收兵」!


廣男依家睇番呢兩個星期嘅發展,真係完全喺黎智英嘅「操控」之下,當佢叫人「選舉優先」之後,喺選舉前幾日,真係幾乎完全唔見有暴徒出嚟「打砸搶燒」,本來廣男都唔明點解,但睇完李怡呢篇文,廣男就完全明白晒,原來所謂「操盤者」,唔一定係講建制派,而可以係話盲反派果邊都有諸如黎智英咁嘅「操盤者」,見到選舉有機會贏,就叫人收兵,所以大家好自然就見唔到有人「製造事端」。


黎智英嚟緊有咩order?


依家睇番近期動亂嘅發展,廣男直頭覺得黎智英、《生果報》係一個風向標,一時叫人「衝衝子」啲人就衝,一時叫人停手就停手;咁依家選舉完咗喇,唔知黎智英有冇咩新指示呢?係咪好似日前《生果報》社評咁講,如果政府唔正面回應五大訴求,「街頭抗爭的烽煙勢必重燃」?如果係嘅話,咁大家又要擔心暴徒隨時「打砸搶燒」喇。 


請Follow我們的YouTube頻道:https://bit.ly/2kgU8qg

 

下載我們的手機應用程式,收看第一手精彩內容:https://www.speakout.hk/app

15
嬲爆
1
超無奈
4
無意見

評論