有承擔 梁天琦就不會搞暴力「港獨」!
有承擔 梁天琦就不會搞暴力「港獨」!

「暴動犯」梁天琦暴動罪同襲警罪成,盲反派政客同媒體不問是非,不斷用歪理盲撐梁天琦,一時話佢係「義士」,一時又話佢「善良」;就喺梁天琦被定罪後,《蘋果日報》即時喺頭版大字標題「勇於承擔 不放棄香港」。問題嚟喇,搞「港獨」、用暴力嘅人,會係義士咩?暴徒本身嘅行為就係傷害香港、傷害社會、傷害他人,如果咁都稱得上係對香港「有承擔」,咁即係全香港暴力犯都可以叫「義士」啦!


梁天琦如是說


要評價一個人,我哋往往要「聽其言、觀其行」。梁天琦被捧為「義士」,但佢自己究竟做過啲乜、講過啲乜先?撇除佢參與「旺角暴動」狂打警員唔講,佢之前喺一個大規模「港獨」集會上面,一時話自己要推翻政府,一時又話要革命、準備好奪權等等,仲話有一日「港獨」會成為主流,一定會「成功」咁話。講就天下無敵,好似好有理想咁,但最終咪又係想用盡方法令到香港民不聊生!咁都可以叫「義士」?真係可恥。


梁天琦講出呢番「港獨」感言,簡單嚟講咪就係想用好似「旺角暴動」甚至更激烈嘅方式去達到一己政治訴求,「反政府」唔在講,連所有公職人員、警務人員,甚至普通市民嘅生命財產,喺佢眼中都係可以犧牲嘅螻蟻。堂堂一份主流報章,竟然以頭版煲揚梁天琦有「有承擔」,囍雨而家就挑《蘋果日報》機,誠意邀請佢哋個總編輯或者主筆公開解釋,到底擺明會破壞香港嘅暴徒,可以配得起「有承擔」呢幾個字?


捧梁天琦 「製造更多暴徒」?


《蘋果日報》係咁「吹捧」梁天琦,客觀效果就係話畀人聽,梁天琦就算手法冇問題,大家只要學做同呢名暴徒相同嘅事,同樣可以係「義士」、「有承擔」;呢種誨淫誨盜嘅報道手法,講穿咗咪又係要令到市民,尤甚係年輕人認同可以用暴力去表達政治訴求囉。講到呢度,囍雨再次呼籲大家,除咗要諗下梁天琦到底係咪真係「有承擔、不放棄香港」外,亦好應該同家人朋友仔細討論,《蘋果日報》日日「吹捧暴徒」,最終係唔係想為香港製造更多暴徒,令到香港市民永無寧日,甚至家破人亡呢?


原圖:Takungpao

評論