本港第五波疫情持續加劇，儘管近日天寒地凍，但全城依然無懼風雨齊心抗疫，演藝界人士亦出錢出力！古天樂、郭富城、鄭秀文等捐出快速測試套裝給有需要人士，藝人李璧琦（Becky）前日（19日）更直闖疫區，向初步確診/懷疑染疫/家居隔離的基層家庭派發物資，當中包括疫情較嚴重的深水埗區。

李璧琦連日在社交媒體發文，指由前義務公關劉肇銘發起派發物資行動，但義工團隊必須再三考慮風險，她寫着：「我 #DeliverB 同個朋友仔差唔多情況，無小孩及長者同住、可以家居工作、打咗針、eager to serve⋯ 便一起來從packing 開始幫手💪🏻 首先分配各組負責地址⋯ 大家做定熱身啦！」有心人紛紛捐出毛毯、包裝食物、消毒用品、口罩等物資，義工由包裝開始，二人一組冒雨將物資派發到各區，分派地點包括深水埗、長沙灣、石硤尾、土瓜環和牛頭角。

她透露過程都遇上阻滯：「上唐樓派送難度其實不只行樓梯需體力，而係分前後座、唐x樓or x/F、劏房單位未必有門鐘、地址未必寫得準確、電話未必有人聽、如果唔肯定單位又怕就咁放門口會俾人攞咗、拍門無人應又怕佢喺入面好唔舒服到應唔到門……所以 #DeliverB 都有唔成功嘅時候😔，所以都需要有心有力嘅同伴」。但李璧琦仍抱住樂觀態度，期間有跟幾個住戶傾談，鼓勵一下對方，「除咗物資希望佢哋有人傾吓、問候吓、關心吓、支持吓，會感到無咁孤軍作戰，心靈可以得到少少安慰啦。」

李璧琦昨日（20日）接受《星島日報》訪問，透露當日向50幾個家庭派發了物資，大部分是唐樓及天台屋，她說：「本來會去英華街過渡性房屋送毛氈同埋消毒噴槍，但因為早上收到通知有人確診，或者會圍封，所以突然變咗唔能夠逐戶送，而係集齊到另一分發地點再派發物資。」被問到會否擔心自己被感染？她說：「我已打三針，家中冇小孩或長者，冇咁大心理負擔。而過程亦有做足準備，自備替換口罩同防水風褸，完成後即脫下放入自備密封膠袋。而每組亦有一枝消毒噴槍，上樓過程（尤其是樓梯放滿垃圾，甚至見到隨地棄置口罩嘅時候)、於每個單位門口、接觸任何手柄後及落樓後互相噴手及全身。」

面對逆境重重，李璧琦呼籲大家要齊心加油：「雖然暫時係陰暗無光，但係雨過一定會天晴！大家加油！努力堅持呀！再有地方需要，我可以隨時幫手，Please don't hesitate to let me know（請勿猶豫告訴我）！」

圖片來源：李璧琦Facebook

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk