//陳健民都係留喺台灣好啲，唔好返嚟香港禍害年輕人喇。//

究竟一個人為咗搵食，可以去到幾盡呢？話說「佔中三醜」之一嘅陳健民前年出獄之後，喺香港社會經已聲名狼藉，舊年靜雞雞離開香港，去咗台灣一間大學擔任客座教授。佢近日接受台灣媒體訪問，就賣晒口乖話咩咩咩好鍾意台灣，又話踎監嗰陣，已經將台灣風光嘅名信片貼喺床頭，想像自己要到台灣。嘩，真係好肉麻呀！

除咗賣口乖，面皮極厚嘅陳健民仲死撐當年搞非法佔領有理，話咩咩咩「唔通我哋唔能夠通過佔領表達不滿咩？」陳健民呀，陳健民！當年大多數市民，就係被你呢種「綁架香港」嘅行為害慘，你依家仲好意思大大聲講？

仲有仲有，陳健民亦都唔會放過任何機會賣悲情、賣恐懼、唱衰香港啦。佢話自己如果返香港，都會做好「被強加罪名、再入獄嘅準備」。喂喂喂，如果你無犯法，又使咩驚啫？不過諗深一層，陳健民都係留喺台灣好啲，唔好返來香港禍害年輕人喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk