//個個著草都套用「走佬方程式」，「被人跟蹤」加「逼不得已」，然後「喺海外繼續發聲」，過多陣就賣慘求包養。李文浩今次係咪都跟足「方程式」？//

攬炒派手足口講齊上齊落，實際睬你都傻。因為拒絕宣誓被DQ嘅前深水埗區議員李文浩，喺社交網站發文透露，已經離開香港到達英國，死撐唔係「流亡」，而係深思熟慮後嘅決定喎。佢話，早排發覺跟蹤佢嘅人比平時多，知道如果再唔走，就可能會太遲。喂，係咪你自己虧心事做太多成日疑神疑鬼啊，唔好次次都玩呢啲被害妄想啊。

講起呢個李文浩，黑歷史簡直多籮籮。喺辦事處門口貼「藍絲與狗不得內進」告示引眾怒，又話「國際間中國人三隻字嘅聲譽等同過街老鼠」，擺明辱華。水警總區女高級督察林婉儀執勤時不幸殉職，李文浩竟然超冷血撲出嚟抽水，仲好囂張口出狂言博拉。係咪口臭、衰嘢做得多，驚被人拉，終於頂唔住走夾唔唞啊？

嗱嗱嗱，呢位網民醒目喇。一班已經著草海外嘅攬炒派，個個都套用同一個「走佬方程式」，首先係疑神疑鬼話「被人跟蹤」，然後「逼不得已離港去外國」，跟住就話要「喺海外繼續發聲」，過多一陣就賣慘眾籌求包養。大家要擘大眼睇真啲，李文浩今次係咪都跟足「方程式」呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk