//點解壹傳媒工會解散，餘款要捐俾大纜都扯唔埋嘅記協，當中係咪有咩嘢不可告人嘅秘密呢？//

《蘋果日報》喺今年6月24日停刊，至今仍拖欠800多名員工逾千萬嘅薪金及遣散費，壹傳媒工會一直跟進有關問題。最新消息工會喺前日(31日)正式解散，不過搲爆頭都諗唔明嘅係工會處理餘款嘅做法，唔係還返啲錢俾會員，反而係捐俾記協，話咩咩咩如果記協通過成立「壹傳媒失業緊急援助金」，就撥入援助用途，唔通過就支持記協日常開支喎。

嘩嘩嘩，壹傳媒工會同記協理論上大纜都扯唔埋㗎，偏偏工會就將餘款捐俾記協，兩者關係真係不言而喻喇，唔怪得記協過往同《蘋果》咁friend底啦，凡《蘋果》涉違法被警方調查或者被人批評，記協就勢必第一時間撲出嚟，話咩咩咩打擊新聞自由護短啦！


嗱嗱嗱，不過講到最慘嘅都係嗰800幾名壹傳媒員工，糧又收唔到，依家連會費都無埋，反而記協無啦啦就多筆「水」，記協主席陳朗昇呢鋪真係肥過肥仔水啊。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk