//英國疫情又開始嚴重，失業率飆升，對於走咗嘅人，點樣喺當地搵工，點樣防疫？各位自求多福囉~//

今日香港「天氣不似預期，但有人要走總要飛」。是咁的，英國向計劃移民當地港人提供嘅「特許入境許可」即LOTR將於今日屆滿，之後港人要有BNO簽證先可以移居當地。有一批點都唔鐘意留喺香港嘅港人，梗係要趕搭尾班車走去英國，機場連日嚟上演一幕幕悲情嘅「生離」場面，送機嘅仲有唔少係老人家，美好家庭從此拆散咁大犧牲。其實移民真係佢哋諗到咁筍咁爽？早前不斷有新聞爆出移民嘅港人要去當地做二等公民，無工做又俾人歧視，醒目嘅網民梗係心水清喇。

有網民話「唔該落閘好冇！」，另外一位居英網民就指：「今年我女入學，XXX半班都係香港人，家長WhatsApp谷有啲家長打廣東話，真係當班local家長死嘅一樣！」更有網民說：「香港人成日以為自己黎到係幫英國經濟，又要圍爐群埋一堆香港人就當融入英國，狗唔笑都吠啦！」

仲有仲有，英國係咪佢哋想像中咁好呢？英國最新失業率數字係4.8%，單日新增新冠肺炎嘅確診人數最近又連連創新高，有近5萬宗，但係英國政府仲要今日解除大部分防疫限制喎，另一波感染潮可能隨時大爆發！不過條路係自己揀，走咗佢英國嘅港人們，到時喺當地點搵工作，點樣防疫？只能自求多福囉！

對於呢班係都要離開香港嘅人，留低嘅港人就開心到開香檳，希望佢哋唔好後悔返轉頭，俾多啲機會喺香港嘅年輕人上位、買樓。最後祝佢哋：一路順風，好行夾唔送~

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk