//《蘋果日報》過去咁多年點樣毒害市民大家心水清，走到末日咪就係「求仁得仁、成功爭取」囉~//
近排最大嘅頭條新聞係咩？梗係香港最大嘅攪屎棍《蘋果日報》執笠在即！自從警方上周拘捕壹傳媒及《蘋果日報》五個高層，保安局又凍結1,800萬資金後，董事會周五就要決定是否停止《蘋果日報》運作喇！不過最新有消息指，由於大部分員工跳船辭職，《蘋果》可能最快聽日就要關門大吉囉。咁天大嘅好消息，網民都開心到洗版留言慶祝！
網民：小鳳姐要出場了，熱烈地彈琴， 熱烈地唱，多奔放，個個喜氣洋洋
網民：拉人封艇散檔，煙消雲散收場！
網民：蘋果日報抵死，當初要出來行，而家要還，呢啲叫天理循環
網民：好快唔使再睇到，香港明天會更好
《蘋果日報》大限將至，一向涉為偏頗媒體保駕護航嘅記協竟然噤聲？記協喺上星期四警方出動執法後，出咗一個「感到震驚」嘅聯署聲明，之後就隻字唔提，完全冇晒聲氣。而記協新主席陳朗昇，喺今早電台訪問上，講嘅竟然唔係佢哋最鐘意嘅咩咩咩「新聞自由、言論自由」啊，而係好無奈、好淒慘咁關心《蘋果》員工點出糧喎。
記協主席陳朗昇：「沒辦法了，一個時代的終結了。可能一些企業、公司有一些職位，我們都願意介紹。希望他們的人工可以出給他們，甚至如果遣散可以多一個月糧，都可以拿到是最理想的。」
不過《蘋果日報》過去咁多年點樣毒害市民，炮製假新聞，涉嫌干政，勾結外國勢力搞亂香港，大家都心水清喇。走到今時今日，只可以話係求仁得仁、成功爭取囉。
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論