//其實，工會行得正，企得正，專注業界權益，又使咩驚俾人取締？馬仲儀係咪諗歪咗？//

咩叫天下本無事，庸人自擾之？睇吓馬仲儀就知啦。話說成立近20年嘅前線醫生聯盟因無人接手，面臨解散，另一公立醫院醫生組織、公共醫療醫生協會會長馬仲儀，即刻乘機大吐苦水，話咩咩咩好多員工擔心違反《港區國安法》，搵人接手好難，仲猛呻好多時為業界發聲時，被外界掛上政治意見，惹來部分惡意抨擊喎！

哇哇哇，明明最政治嘅，好似係公共醫療醫生協會同馬仲儀喎。前年荃灣10.1衝突期間，有中學生因襲警，而中槍倒地，協會帶頭譴責警察；疫情爆發初期，有醫護罷工迫政府封關，事敗後，協會竟然要求政府唔好追究。

其實，政府只係話職工會都受國安法規管，若涉違例不排除取消登記，好平常啫！工會只要專注於為業界爭取福利，行得正、企得正，就無所畏懼啦。馬仲儀點解咁驚驚呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk