【笑聞一分鐘】「逼」定「唔逼」 戴耀廷扮失憶?

公民抗命、佔領中環、癱瘓香港,要逼使北京改變立場,呢幾句野咪就係戴耀廷舊年篇文講過架囉,點知尋日戴生接受電視台訪問時,竟然話無講過要「逼」中央,今日仲大大聲講「被迫」添,嘩,七百萬香港人,大家無聽錯呀嘛?
 
范太都忍無可忍喇,尋日喺北京先第一次點名批評戴生,話用違法手段脅逼中央,中央只會更堅定;唔通范太講完戴生用錯方法,戴生就即刻轉口風唔講「脅逼」講「溝通」?如果係就好喇,一天都光哂!講真,如果當初唔係攞住把刀「行」住人哋條頸,而係一早坐低傾,今時今日就唔會咁僵啦,不過……識得改邪歸正,放棄「佔中」都仲未遲架!

評論