咦咦，商務及經濟發展局局長GREG SO（蘇錦樑）出嚟搞乜鬼呀？啊，原來GREG SO、副局長、政治助理、投資推廣署署長，拉埋盛智文一齊玩「冰桶挑戰」呀！

蘇局長今次接受挑戰，全因為香港電視主席王維基「挑佢機」，話GREG SO對佢「恩重如山」喎！局長一於去馬，玩完後仲同王維基講希望「冰釋前嫌」咁話！答得幾大方呀，唔怪之得網民好評如潮，有人仲LIKE左蘇錦樑，讚佢係「真漢子」添！

「冰桶桃戰」最近勁HIT，由美國玩到過來兩岸四地，台灣、香港政界名人係咁挑人機，個GAME好有意義，叫大家捐錢，同多點關注漸凍症，即係ALS的病人，香港既朋友可以捐錢去香港肌健協會，你今日淋咗未呀？