【過氣政客】滿口歪理妖言惑眾 過氣政客陳家洛又獻醜
【過氣政客】滿口歪理妖言惑眾 過氣政客陳家洛又獻醜

曾經代表瀕臨滅黨嘅公民黨,參加立法會選舉仲成功當選嘅浸大副教授陳家洛,自從「被淡出」政壇後,一直都繼續維持喺社交網站發表偏頗同激進言論。尋日選舉委員會選舉,陳副教授又趁機會嚟料,以「選舉觀察計劃」名義,帶領幾名學生去到九龍公園票站「視察」投票情況。不過,以陳副教授嘅質素,自然唔會有咩石破天驚嘅發現啦,全日只係喺個人社交媒體發表幾段「評論」,以作交差。而且睇真少少,佢所有評論內容都不著邊際,而且比喻不倫,好心陳副教授就唔好衝出嚟獻醜啦,是旦寫啲嘢去擦存在感又何必呢?


陳家洛滿口歪理


講咁耐,到底陳副教授寫咗乜呀?佢話喎,今次選委會選舉其中一個「看點」,就係警力人數大過選民人數、又話今次選委會選舉唔見任何有意思嘅競爭去比拼理念政綱,仲有,連今次選舉投票率唔係百分之百都拎出嚟批評一番,話今次投票率「只有」不足九成,所以係「失敗」喎。


老實講,對於陳副教授呢種過氣政客,囍雨本來係唔會花時間去駁佢,但諗深一層,呢種人其實仍然喺大學裡面誤人子弟,如果社會上唔多啲人去駁斥佢嘅歪理,隨時又有年輕人畀佢毒害到,思前想後,都係要回應一下呢位「學者」嘅言論,以正視聽。


警力多少視乎選舉重要性


首先,據報,今次警方動員最少5,000警力,去確保有超過4,800投票人嘅選委會選舉可以盡量舉行;而陳副教授就諷刺話,警力多過投票人數,正正係選委會「看點」之一。呢個所謂論點,明顯就係廢話中的廢話;其實係人都知道,要動用幾多警力,唯一考慮係個選舉嘅重要性,以及所受嘅風險程度。講到重要性,選委會係毋庸置疑嘅,負責選出行政長官之餘,仲會選出40名立法會議員,相信冇人會認為唔重要啩。


至於風險程度,呢個就更易明。香港自2019年起,已經出現過不只一次帶有恐怖主義成分嘅罪案,反修例暴動嘅傷人、縱火、刑毀,相信大家都耳熟能詳,另外仲有涉及反修例暴嘅多宗爆炸品案、涉及無差別炸彈恐襲嘅「光城者」案,以及發生喺今年7月1日嘅「刺警孤狼」案等等,行為恐怖到咁,警方點可以唔部署多啲人手先?唔好玩啦。


攬炒派唯一政綱就是「攬炒」


至於陳副教授話見唔到今次選舉有比拼理念政綱,又話選舉投票率唔係百分之百,所以係「失敗」,呢個所謂「論點」同樣係無聊透頂。老實講,陳副教授唔會真係以為,即使班「手足」有參選,大家就真係會比拼「理念」、「政綱」呀?除咗事事講明同中央政府對著幹、所有議題都政治化外,乜攬炒派候選人提出過任何有意義嘅政綱咩?除咗拉布「無差別否決政府議案」,同埋「要求外國制裁中央及香港政府」外,攬炒派近年有過咩建樹呀?唔好玩啦。


至於話選委會投票率唔係百分百就係「失敗」。唔使講,請陳副教授話畀全世界聽,除咗規定強制投票嘅國家地區,有邊度嘅選舉投票率係百分百?其他國家投票率唔係百分百,陳副教授係唔係同樣認為,嗰啲選舉都係「失敗」?講到底,陳副教授嘅所謂「論點」,全部都經唔起推敲同挑戰,好心作為攬炒派一方嘅過氣政客,陳副教授就唔好成日衝出嚟獻醜啦,丟人現眼囉,好唔好?


原圖:陳家洛社交媒體賬號


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

18
好正
5
心心眼
11
好好笑
7
令人傷心
8
嬲爆

評論

  • 你的光榮,我的榮耀
    你的光榮,我的榮耀
    1月前
    0 回應
    此等教授:imp:屬香港教育界悲哀
    • +85298****49
      +85298****49
      1月前
      0 回應
      Excellent
      • 龙一吟
        龙一吟
        1月前
        0 回應
        [警力人數大過選民人數] 原因警方恐防有人撹事,是保障選民。話說回來,莫非浸陳知道選举當日是肯定沒有事發生???

        沒有更多評論

        沒有更多評論