羅健熙扮唔知定真無知?
羅健熙扮唔知定真無知?

區議會宣誓開始無耐,民政事務局局長徐英偉昨日終於「開刀」,裁定七個攬炒派區議員宣誓無效,當中就包括民主黨蘇逸恒,以及灣仔區議會主席楊雪盈等人,眾人須即時離任。消息公布後,立即有攬炒派陣營嘅人出嚟反駁,例牌質疑當局決定「有問題」之類,就連民主黨主席羅健熙都加把口,要求政府向公眾交代DQ理據同標準;佢仲話,如果政府係因為區議員「無差別反對政府議案」而要DQ,理據係「十分牽強」喎。囍雨想講,其實當局已經交代得好清楚,羅健熙唔知道,咪去問吓黨友蘇逸恒囉,仲想扮咩無辜啫?


詢問蘇逸恒就有答案


其實都明嘅,羅健熙辭職辭得太早,一早鬆人「保平安」,所以冇去宣誓,無機會收到當局封DQ信,咁咪有晒藉口,可以扮唔知發生咩事囉。不過咁樣都係自欺欺人,羅健熙作為民主黨主席,今次黨友蘇逸恒被DQ,有咩可能唔去了解、問清楚?當局發出嘅DQ通知書,上面已經列明咗宣誓無效嘅理據,只要一睇就明晒,仲想民政局交代啲咩?再唔係,簡單啲可以查吓《釋義及通則條例》,入面列明嘅正負面清單,全部寫得清清楚楚。羅健熙係扮唔知,定係真無知?


「無差別反對議案」是搞攬炒


至於羅健熙質疑「無差別反對政府議案」就要DQ,呢一樣仲好笑。羅健熙係咪中文水平唔係咁好?「無差別反對議案」啫係好似攬炒派搞「35+初選」嘅主張,無論政府提出咩議案,睇都唔睇就反對咗先,就算係財政預算案都無情講,一律否決,從而達到癱瘓政府運作。呢種做法係搞「攬炒」,同認真審議完議案,因為不同意內容而否決,係完全唔同嘅概念。既然有人想攬炒政府,又點會符合宣誓要求?唔洗諗都知道會DQ啦。羅健熙咁樣都仲想死拗,「十分牽強」其實係佢自己先真喎!


攬炒派陣營成日都係咁,講嘢「含含糊糊、詐癲扮傻」,明明宣誓標準同DQ紅綫已經好清楚,但係硬係要扮唔知,仲喺大氣電波到質疑政府嘅做法。呢種「扮無辜」嘅手法,囍雨睇得多都厭啦!不過又咁講,好多市民無時間詳細睇新聞,唔清楚事件來龍去脈,可能只係聽羅健熙一面之詞,真係會畀佢嘅花言巧語呃到。民主黨如果繼續用呢種心態,不擇手段想令市民對政府產生不滿,甚至激起仇恨,依家已經有民主黨議員被DQ,將來仲係唔肯痛改前非嘅話,成個政黨嘅參政之路恐怕都幾難行落去!


原圖:星島日報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

19
好正
6
心心眼
11
好好笑
2
令人傷心
3
嬲爆

評論

  • 龙一吟
    龙一吟
    2月前
    0 回應
    一個無質素、無水平、無道德的人連上飯檯的支格都沒有,肯定佢好事不做,坏事多多!
    • acp4711@yahoo.com.hk
      acp4711@yahoo.com.hk
      2月前
      0 回應
      good
      • 龍的傳人
        龍的傳人
        2月前
        0 回應
        假民主真掠水已被大眾踢爆,仲有人信民主派咩!

        沒有更多評論

        沒有更多評論