樓價升天 市民如何「上車」?
樓價升天 市民如何「上車」?

近期,我哋睇到唔少關於樓價嘅新聞,有傳媒報道,有代理行數據顯示,上半年住宅樓價全速上升,期內平均每宗二手私宅登記成交價突破900萬元,創歷來新高紀錄,較去年下半年再升約2.4%;有指近期新鐵路全線通車後,沿線地區樓市氣氛高漲,有二手屋苑湧現新高價成交。樓價升,對業主嚟講係喜訊,但對等「上車」嘅市民而言,絕對係一個惡噩!


要上車、上樓 仲要「住大啲」


對於樓價不斷上升,甚至迫近歷史高位,大家都明白要解決樓價問題,必先解決土地問題。囍雨留意到,近日有智庫組織指出,政府目前規劃嘅土地,仍未能滿足未來30年需要至少9,000公頃土地需求,建議喺新界落實大規模發展,提速新界城填化,以創造大量土地供應;建議嘅潛在發展區包括洪水橋擴展區、元朗東南、北環線走廊、古洞北擴展區、古洞南及粉嶺南、新界北擴展區、林村等,估計可提供超過3,000公頃土地。囍雨認為,政府絕對需要全方位拓地,但唔好忘記除咗新發展區,我哋仲有一個可以更快發展嘅選項,就係郊野公園邊陲地。


不論係政府推緊嘅「明日大嶼」計劃,抑或係智庫組織建議嘅發展地方,囍雨覺得絕對可以考慮,當中有兩大用處,首先當然係搵多啲地、起多啲樓,令到更多人可以「上車」或「上樓」;第二,就係好多人都忽略咗,其實香港市民唔單止要有得住,仲應該住大啲!依家香港人均居住面積大約係170呎,呢個面積,比起新加坡少,比起內地就更加少;其實,香港人絕對唔止要求「有得住」,而係要住得有尊嚴!


發展郊野公園邊陲地 快靚正


有一點,囍雨想特別指出,發展新區或者填海,一定係「一次過」開拓最多土地嘅方法,不過,大家要留意一點,就係以上拓地方法,需時較長;發展一個新區,可能要用上十幾廿年,呢個年期,叫身處水深火熱嘅市民點等?所以,囍雨覺得有長期措施同時,必須要有短中期措施補足,當中發展郊野公園邊陲地,更可能係最佳方法。


以之前全國政協副主席、前特首梁振英提出喺大欖郊野公園邊陲地興建居屋同長者院舍為例,如果順利推展,可能短年期就見成效,而且建議嘅居屋價錢更係一般市民負擔得起;囍雨覺得如果有好計劃而唔去做,或者只係繼續「研究」,房屋問題只會一直「無解」。


一套好嘅政策,就如一套「組合拳」,喺土地房屋政策上,能夠好好打出「短」、「中」同「長」期嘅組合,土地房屋問題先有可能完美解決。不論係梁振英提出嘅計劃,以至其他智庫組織嘅倡議,甚至係政府已經有嘅計劃,應該通盤考慮同推展,唔好放過任何一個可以幫到市民嘅良策。 

 

請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

25
好正
6
心心眼
1
好好笑
2
令人傷心
2
嬲爆

評論

  • +85298****49
    +85298****49
    2月前
    0 回應
    Excellent
    • shuyicai58@gmail.com
      shuyicai58@gmail.com
      2月前
      0 回應
      大陆妇女亡芸章乱用钱:moneybag:浪费国家资源十一亿元入狱!
      • 一個人
        一個人
        2月前
        0 回應
        而家知點解班黃議員,NGOs要反對明日大嶼啦,因為佢哋唔想香港人安居樂業,如果人人安居樂業,佢哋邊有野玩,邊有金收?

        沒有更多評論

        沒有更多評論