為何城規手續有時限?
為何城規手續有時限?

所謂「一石激起千重浪」,全國政協副主席、前特首梁振英拋磚引玉,提倡喺大欖郊野公園邊陲地興建居屋,以劃一呎價6000元售予香港永久居民,旋即引起社會熱烈討論。坊間嘅討論,有啲集中喺地點,有啲集中喺呎價,甚至有啲將相關政策倡議轉化為「政治問題」;囍雨想點出,有關倡議其中一個細節非常值得注意,就係梁振英提到城規等手續係有時限嘅。點解梁振英要咁倡議?囍雨認為有兩大作用,第一係塊地本身附近有基建或交通配套,要發展唔難;第二,規劃等程序有時限,就係要相關人士對社會負責。


用心良苦的細節


根據梁振英喺社交平台嘅倡議,佢表示計劃促請「城規及其他變更用途手續:速辦、特辦,全力爭取極速通過,在辦手續期間先公布圖紙和價單、接受申請、甄別資格、抽籤、定揀樓次序。在完成城規等手續前不收訂金,如果在開始接受申請後18個月內不能完成城規等手續,則放棄整個計劃。上蓋建築期預計三年」;囍雨就覺得,有關建議極度有道理,如果計劃嘅城規等手續「無時限」,咪好容易變成「假大空」?


事實上,有關土地要完成城規等所需程序,一年半時間表面上緊迫,實際上絕對有可能做到。好簡單一個情況,一般嘅郊野公園土地或者邊陲地,都係同市區或者主要交通網「遙不可及」,但今次梁振英倡議嘅大欖郊野公園邊陲地,隔離就係貫穿元朗同荃灣、九龍以至港島嘅隧道同公路,而且距離大約幾分鐘車程,就有一個西鐵站,咁喺規劃配套或者交通網嘅過程,已經慳咗好多時間。


無須收地 可快發展


仲有一點值得留意嘅係,相關土地位於郊野公園邊陲,如果要建屋,涉及改劃用途,但由於土地屬於郊野公園邊陲地,所以建屋前係唔需要收地或者遷拆嘅,相信要興建房屋時,至少可以撇除收地等「棘手」問題。


最後,十分重要嘅一點,城規等手續有時限,就係要相關主事者向社會負責,如果佢哋唔能夠喺一段時間內完成城規等手續,佢哋就要向等緊「上車」、「抽居屋」嘅香港市民問責。下下「慢慢嚟」、「無壓力」,咁房屋問題就肯定解決唔到!


原圖:漁護署圖片


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

20
好正
8
心心眼
6
好好笑
5
令人傷心
6
嬲爆

評論

  • Happy21
    Happy21
    5月前
    0 回應
    :blush:
    • Happy21
      Happy21
      5月前
      0 回應
      :+1:
      • Happy21
        Happy21
        5月前
        0 回應
        Good

        沒有更多評論

        沒有更多評論