重大問題 壹傳媒要答!
重大問題 壹傳媒要答!

呢兩日,相信大家都睇到唔少關於壹傳媒同《生果報》嘅新聞:涉違《國安法》目前身處獄中嘅壹傳媒老闆黎智英,上星期五(14日)被保安局根據《港區國安法》第43條《實施細則》,發出凍結財產通知,其名下所持71%壹傳媒股份(估計約值3億元港幣)、以及3間本地銀行帳戶內嘅資產同被凍結;嚟到今日(17日),先有壹傳媒股份喺開市前宣布停牌,再有台灣嘅《蘋果日報》因經營不善、連年虧損,今日發行最後一版紙質報紙…

 

講真,大家可能多少會有啲唏噓,曾經風頭一時無兩嘅壹傳媒,點解會搞到今日咁面臨「風雨欲來」?囍雨睇新聞,原來上星期《生果報》內部已經開咗個員工大會,一眾高層派定心丸話唔會「自行結業」、「公司照常運作」;而黎智英資產被凍結當日,壹傳媒行政總裁張劍虹又第一時間出嚟話,事件同集團戶口完全無關,集團運作及資金財務「絕不受影響」等等。但囍雨想講,壹傳媒作為一間上市公司,其實唔單止要向員工負責,仲要向一眾小股東負責,但執筆之時,囍雨依然未見壹傳媒發出任何聲明或者公告,交代集團資產同財政等問題。如果囍雨係「有股在手」嘅投資者,其實有好多問題都要追問清楚。

 

資金、營運真係「冇影響」?

 

首先最緊要嘅,當然係黎智英嘅資產被凍結之後,佢向壹傳媒提供借貸資金嘅意願同能力,有冇受到影響?實際係點,其實外界真係冇人知!壹傳媒高層嘅說話又有冇誤導成分?而且,囍雨呢排都聽到坊間有風聲,話《生果報》有可能喺今年七月前被政府取締,究竟壹傳媒董事局有咩睇法同回應?

 

再者,黎智英雖然已經唔係壹傳媒嘅主席,但佢嘅「地位同影響力」非同小可、依然存在,問題係,依家黎智英因為一宗未經批准集結案坐緊監,又因為涉違《國安法》被調查緊,仲凍結埋資產,咁如果、假設——黎智英將來要「長期坐監服刑」,對壹傳媒又有幾大影響呢?集團高層有冇諗過呢個問題?

 

退一步講,就算《生果報》「繼續存在」,但佢哋位於將軍澳工業邨果幅地又點?之前已經有媒體踢爆,壹傳媒涉違地契;依家市場又有猜度,稱政府可能強制收番壹傳媒大樓位於上址嘅用地。壹傳媒高層就話,如果真係咁,《生果報》可以另覓地方繼續經營,但從上市公司嘅角度,董事局又點睇大樓被收回嘅可能性?點評估「覓地繼續經營」嘅成本同影響?

 

小股東利益會否被「清零」?

 

講真,囍雨問完呢一連串嘅問題,好自然地又會聯想深一層:如果上述種種情況,即係《生果報》、壹傳媒嘅資金營運問題,《生果報》可能被取締嘅問題,以至工業邨地皮問題,只要是但一樣「出狀況」,大家有冇諗過,對於整個壹傳媒嚟講,都可能係「即停」或者即時有影響,如果真係去到呢一步,請問壹傳媒,仲點保障小股東利益?唔係囍雨「悲觀」,但有啲嘢,亦都唔係聽高層派兩句定心丸就可以「當冇事」,好多問題依家唔交代清楚,囍雨擔心嘅係,好多小股東嘅利益最後恐怕被「清零」。

 

事已至此,囍雨請壹傳媒盡快發布聲明或公告,一一釐清上述問題;黎智英以至壹傳媒已經搞出今日呢番局面,唔好連小股民最基本嘅知情權都剝削埋,唔好忘記,呢樣同樣係涉及法律嘅問題!


原圖:rthk


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

27
好正
9
心心眼
9
好好笑
3
令人傷心
3
嬲爆

評論

  • shuyicai58@outlook.com
    shuyicai58@outlook.com
    2年前
    0 回應 檢舉
    电话:phone:/信箱
    • shuyicai58@outlook.com
      shuyicai58@outlook.com
      2年前
      0 回應 檢舉
      全球:spades:检查监控性爱行为视频/语音留言讯箱
      • +85291****08
        +85291****08
        2年前
        0 回應 檢舉
        :+1|type_1_2:

        沒有更多評論

        沒有更多評論