出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
新聞自由指數「創新低」?
新聞自由指數「創新低」?

「新聞自由評分歷史新低 85%從業員指政府打壓『冇人敢講嘢』」,今日囍雨睇新聞,見到呢單「新聞自由評分歷史新低」嘅新聞,於是喺度諗,乜依家香港嘅新聞自由,出咗咁大問題咩?點解新聞從業員評分嘅「新聞自由指數」會「創新低」?囍雨睇真啲,原來調查由香港民意研究所同記協搞嘅,而當中關於「新聞從業員」部分,問卷係由記協「派發及收回」;睇到呢度,咩人會回應記協嘅問卷,佢哋嘅取向會係點呢?

 

記協派問卷、收問卷

 

先撇除問卷調查其他部分例如關於「公眾部分」,由新聞從業員部分,調查方法係「透過記協向各傳媒機構派發及收回問卷,由被訪者自填問卷」;關於呢個「抽樣方法」,囍雨首先要問,調查指問卷係俾「本港不同政治立場的文字、電子及網上傳媒機構之新聞從業員」,囍雨相信調查機構唔會講大話,即使係建制媒體,都會收到相關問卷,但立場與記協不同、甚至係唔同意記協處事作風嘅新聞從業員,會唔會填問卷再交俾記協呢?最終交問卷俾記協嘅新聞從業員,又會係咩人居多?呢種非隨機抽樣嘅問卷調查,又係咪代表到整個新聞界嘅意見?呢啲問題都值得深思!

 

除咗關於新聞從業員部分嘅問卷調查,囍雨覺得記協主席楊健興嘅一番話,同樣值得留意,例如佢表示對香港新聞自由越嚟越感到悲觀,現時新聞界面對嘅威脅「來自法律、來自權力」,又指《港區國安法》帶來嘅寒蟬效應已滲透不同層面,稱受訪者「以前驚講錯嘢,𠵱家係驚講嘢」云云;囍雨想問,「驚講嘢」係咩意思,如果講嘅嘢可能違法,咁「驚講」犯法嘢唔係好正常咩?而所謂寒蟬效應,或者只係《港區國安法》已經制定,令一啲反政府人士再無空間借訪問搞分裂啫。

 

還敢提及假新聞?

 

另外,楊健興又表示,政府依家面對不合心意嘅新聞報道便動輒指控報道失實,擔心一旦政府立法規管「假新聞」,法例會被武器化;囍雨反而想問,打擊「假新聞」,其實係咪傳媒機構以至記協都有責任呢?成日強調規管「假新聞」唔好,但囍雨想反問,傳媒報道8.31太子站警察「打死人」、喺新屋嶺「性侵」被捕人士,呢啲咪「假新聞」囉!當「假新聞」煽動到社會衝突,甚至激起暴力示威,仲想政府唔管?

 

呢個「新聞自由指數」調查,仲有一個地方值得大家留意,就係公眾評分嘅「新聞自由指數」為42.6分,比前一年略升0.7分;對於點解公眾同新聞從業員嘅睇法有落差,各界人士當然可以分析,囍雨就直觀啲,如果新聞自由受損,公眾評分又點會上升呢? 


原圖:rthk


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

22
好正
3
心心眼
18
好好笑
1
令人傷心
3
嬲爆

評論

  • +85298****49
    +85298****49
    2天前
    0 回應
    Excellent
    • Happy21
      Happy21
      3天前
      0 回應
      :+1:
      • Happy21
        Happy21
        3天前
        0 回應
        :blush:

        沒有更多評論

        沒有更多評論