出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
五個走佬的議員
五個走佬的議員

《港區國安法》實施,猶如斬盡奸佞嘅「尚方寶劍」,上星期,有媒體獨家報道曾經聲言「人生如棋,落子無悔」嘅前立法會議員郭榮鏗原來早於去年11月底已經「遠走高飛」,經英國倫敦回到加拿大。郭榮堅近期接受加國媒體訪問,更表明要攞返加拿大「公民身份」。話音未落,同一媒體又再踢爆,有消息指五名反對派區議員已經離開香港,預料反對派嘅「散水潮」陸續有來。如果事情屬實,囍雨好奇,佢哋係怕咗宣誓,定係怕要「承擔罪責」?

 

怕宣誓 更怕《國安法》

 

根據《東周刊》嘅獨家報道,五名據報已離開香港嘅區議員,包括西貢區區議員黎銘澤、中西區區議員何致宏、屯門區區議員李家偉、元朗區區議員杜嘉倫同埋東區區議員黃宜。值得留意嘅係,黎銘澤喺范國威去年參選立法會時排名單第二出選,而何致宏去年亦與涉犯《國安法》嘅彭卓棋一齊參加反對派嘅「35+初選」,他們離開香港、放棄區議會議席,或者係「另有目的」。

 

囍雨就認為,有反對派區議員放棄議席、離開香港,「責任」較輕微嘅,可能係怕自己過往嘅行為有違宣誓規定,會被DQ(取消議員資格)以至被追討過往薪津;「責任」較重嘅,就可能係自己有份參與反對派嘅「35+初選」,怕自己被警方以涉犯《國安法》嘅罪行拘捕,所以「走定先」。但不論佢哋嘅想法如何,他們要參選、當選做議員,但又離棄選民,肯定係不負責任,視支持者如棄屣!

 

鬥快「走佬」的政客

 

事實上,近期區議員嘅「辭職浪潮」不斷,繼北區區議員林卓廷同西貢區議員范國威涉犯《國安法》、無法履行職務而先後辭職;曾在疫情爆發期間「遠在英國」探親嘅觀塘區議員畢東尼近日亦宣布因健康理由而會辭職及退出政壇。囍雨肯定,有關「離職潮」將會持續,呢個浪潮除咗反映反對派區議員可能怕咗「承擔罪責」外,最明顯嘅啟示,在於由2019年反修例運動開始嘅「反中亂港」陣營已經分崩離析,曾經氣焰至極嘅「惡勢力」一去不復還;呢個係特區政府將香港帶回正軌嘅好機會,亦係解決民生、房屋問題嘅最佳時機。

 

見識過令人心痛惡絕嘅反修例運動,囍雨都希望香港能夠因為「反動勢力」消弭而重新出發。不過,囍雨暫唔敢絕對樂觀,因為唔少之前擺明車馬反政府、反中央嘅區議員都表示願意宣誓,佢哋如果能夠保住區議員職務,他們會唔會喺社區暗地裡播「獨」?會否利用議員資源荼毒下一代?呢啲問題都值得深究,囍雨建議,既然中央已經為香港出手制定《港區國安法》及完善選舉制度,剩低嘅「掃獨」工作,特區政府處理時應該從嚴不從寬,以絕後患! 


原圖:facebook


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

45
好正
12
心心眼
25
好好笑
7
令人傷心
9
嬲爆

評論

  • shuyicai58@outlook.com
    shuyicai58@outlook.com
    3週前
    0 回應
    之后又去养白鼠
    • shuyicai58@outlook.com
      shuyicai58@outlook.com
      3週前
      0 回應
      土耳其的'性爱嫲嫲'为求和她偶像肌肤之亲,她施用迷魂春药与偶像发生不雅的性关系
      • shuyicai58@outlook.com
        shuyicai58@outlook.com
        3週前
        0 回應
        土耳其的'性爱嫲嫲'为求和她偶像肌肤之亲,她施用迷魂春药与偶像发生不雅的性关系

        沒有更多評論

        沒有更多評論