出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
別再抹黑中國 「五問」夏博義!
別再抹黑中國 「五問」夏博義!

英國政客、支持西藏「自決」、一當選就想「修改」《港區國安法》嘅大律師公會主席夏博義,相信唔駛囍雨講,大家都感受到佢係咩「立場」;最近,夏博義接受媒體訪問時,據報佢表示選舉制度被修改後,引入新嘅資格審查,或因限制市民選擇而違反人權法對於選舉權嘅保障,揚言「人權法列明市民有權參與公眾事務,通過自由選出代表,不等於不可以有審查,因為有些條件或會令人不合資格,例如刑事定罪或檢控。但問題是審查工作會否公平地做,審查工作會否變相限制市民的選擇,這是一個大問題,目前我不認為大家有答案」,言下之意,就係修改選舉制度,有可能違反人權法。對於夏博義嘅質疑,囍雨反而有五個問題想問下夏博義,睇下根據佢嘅「專業意見」,以下人士有無資格參選:

 

一) 支持攬炒議會的人,能否參選?

 

原本去年九月係立法會換屆選舉,包括公民黨在內嘅反對派政客,揚言要透過否決《財政預算案》,脅逼特首落實包括不符《基本法》要求嘅「普選」;囍雨想問下夏博義,呢種為求目的不惜「攬炒「議會」嘅政客,係咪效忠特區?有冇資格參選立法會?

 

二) 勾結外國勢力的人,能否參選?

 

自前年反修例運動起,陸續出現勾結外國勢力,甚至叫外國制裁香港的政客,當中又包括公民黨,該黨成員唔單止去美國見美國政客、表示支持制裁,甚至公開去信美國國國會,要求對方盡快通過制裁香港嘅法案;囍雨又要問夏博義,呢啲政客擺明「叛國」,有冇資格參選呢?

 

三) 支持分離主義的人,能否參選?

 

呢度所講嘅支持分離主義,唔單止係講緊支持「港獨」或「香港自決」,而係包括支持「台獨」、「藏獨」甚至「疆獨」嘅政客,煽動或支持有關分離主義嘅人,明顯係有分裂國家嘅意圖,囍雨唔知喺夏博義心目中,呢啲政客係咪又可以參選呢?

 

四) 不擁護《基本法》、效忠特區的人,能否參選?

 

以上問題更基本,就算唔訴諸於新修改嘅選舉制度,擁護《基本法》、效忠特區係一直有嘅法定要求,囍雨真心想知道,如果有人提出不符《基本法》嘅要求,言行舉止都唔似係效忠特區,夏博義又點睇佢哋嘅參選權呢?

 

五) 推動及支持與中央「跳崖」的人,能否參選?

 

最後,囍雨唔知夏博義有冇睇過戴耀廷嘅「鴻文」《真攬炒十步》,當中講到明要西方制裁中國甚至話要「攬着中共一起跳出懸崖」,唔知喺夏博義嘅判斷中,呢種「恨不得中央死」嘅政客,又能否參選呢?

 

夏博義喺訪問中似乎未有明言喺咩情況下,修改選舉制度或會「有違」人權法,但既然佢已經開口講選舉制度,咁勇於表態,囍雨反而想問下佢,以上「五種人」佢覺得可唔可以參選呢?質疑政府總係容易,囍雨想知道,夏博義會點看待「叛國者」嘅參選資格。


圖片來源:RTHK、中通社

請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

22
好正
6
心心眼
5
好好笑
0
令人傷心
0
嬲爆

評論

  • +85297****38
    +85297****38
    3週前
    0 回應
    點解仲未有人投訴大律師公會係非法社團咖?!
    • +85298****49
      +85298****49
      3週前
      0 回應
      Excellent

      沒有更多評論

      沒有更多評論