辭職變不辭職?反對派又反口!
辭職變不辭職?反對派又反口!

承諾,到底係咩一回事?簡單嚟講,就係你講得出口,就要做得到!如果講咗就唔到,或者講完當「無講過」,咁一定會失信於人;如果係政客講完唔算數,連承諾呢啲基本嘢都做唔到,直頭應該「消失於政界」!話說,曾揚言會喺政府就公職人員宣誓等問題修例後「自行辭職」嘅離島區議員王進洋,近日竟反口,話自己未必唔會宣誓,仲話擔心資源會「落入對家手上」云云。廣男嘅質疑好簡單,王進洋係咪講過唔算數?講到底,佢係咪為咗薪津乜都唔顧?

 

政客總是藉口多

 

據報,「今日的我打倒昨日的我」嘅王進洋,受訪時就形容自己當前嘅諗法,「比例係辭職佔六成、留低佔四成」,表示擔心自己作為區議員嘅資源會落入「對家」手上,又擔心無咗公職身份嘅話,未來要搵政府部接洽時會更加吃力;同時佢又戴晒「頭盔」,話會俾自己三個月時間思考,聽多啲街坊意見,最遲六月先會做決定。換句話說,即係本來話辭,依家要諗,將來可能會宣誓博「留低」!

 

首先,廣男一定要踢爆王進洋似是疑非嘅話,佢話驚佢自己唔做,資源會落入對手手上,但就算佢唔做,喺可見嘅將來,喺疫情下未必有補選,而就算有,喺單議席單票制嘅情況下,議席都幾有可能係反對派政客贏返,佢講到驚資源落入「對家」手中,明顯似係托詞多啲!至於佢話無咗公職身份將來要搵政府接洽會更吃力,廣男想問,佢哋呢班「反中亂港」區議員,依家同政府接洽唔吃力咩?講咁多嘢,係咪「另有所圖」?

 

就是一個「錢」字?

 

容許廣男直白啲講,廣男相信王進洋最大嘅考量,其實係錢!一個後生仔,唔計辦事處津貼,每個月有三萬幾元嘅薪津,完成任期又有約滿酬金,確實係吸引;喺疫情肆虐嘅情況下,如果王進洋唔做,佢去邊度「打工」搵返呢個數?據報王進洋稱「即使繼續留任,也會捐出薪金予同路人」,大家又要問一句,王進洋講嘢,仲信得過咩?

 

其實,廣男覺得反對派政客反口、唔守諾言,都已經係家常便飯,大家更加要問嘅問題係,諸如王進洋呢啲激進反對派,如果留喺區議會,係咪會真心擁護《基本法》、效忠特區呢?如果擺明係「領着公帑反政府」,點解政府又要留住佢哋? 


原圖:王進洋社交網頁專頁

請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

8
好正
0
心心眼
10
好好笑
0
令人傷心
7
嬲爆

評論

  • +85262****67
    +85262****67
    3年前
    0 回應 檢舉
    $$$$$$$$$
    • +85298****49
      +85298****49
      3年前
      0 回應 檢舉
      Crazy man

      沒有更多評論

      沒有更多評論