出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
治港者監督制度 必須具體化
治港者監督制度 必須具體化

全國政協副主席、港澳辦主任夏寶龍噚日喺一個研討會上,清晰明白地為「愛國者治港」原則作出解說,當外界將焦點放喺邊啲人愛國、邊啲人唔愛國嘅時候,囍雨想講當中央嘅愛國者治港原則落實之後,香港嘅政治制度將會有一番新景象,當中或者有兩大改變值得留意,第一就係選舉嘅制度會完善,必須尊重中央嘅主導權;第二就係香港要落實行政主導,可能設立高層次機構,確保行政、立法及司法等人員由愛國者出任,以提高特區政府嘅施政效能,將力量匯聚喺發經濟、民生上。按囍雨理解,就係治港者必須尊重中央嘅權力,而且要配合行政主導體制,讓特區政府暢順地施政。

 

治港者的「不可」

 

綜合夏寶龍嘅說法,行政、立法、司法機構的組成人員以及重要法定機構的負責人等,都由真正的愛國者擔任。呢一點唔難理解,而真正嘅愛國者,囍雨認為一定唔可以係反中亂港分子、「港獨」派以至「攬炒派」。如果過往言行明顯係反中亂港嘅政客,不論係搞「港獨」、要攬炒政府,都唔應該喺愛國者之列;故此,反對派日後仲想「攬炒」、「奪權」?無可能喇!

 

其實,按照夏寶龍一番說話嘅脈絡,囍雨覺得中央將來除了出手完善選舉等制度外,就理應會有一套完善嘅監督制度,例如設立一個權威機構,除咗喺選舉時「評核」參選人係咪符合愛國者標準外,喺選舉以外,包括行政、立法、司法人員執行職務時,所設立嘅權威機構會監督香港嘅公職人員係咪堅守愛國者原則,如果發現當中有人有違愛國者標準,甚至所作所為根本損害到特區以至國家利益,咁權威機構就可以出手DQ佢哋。倘若相關機制、機構設置好,咁非愛國者,就唔可能成為治港者,繼而破壞到特區運作。

 

確保行政主導體制

 

當行政、立法以至司法等重要崗位、掌握權力等人士都係堅定嘅愛國者,咁以後嘅行政、立法等人員,就唔會再出現拖政府後腿、搞亂立法會等等現象;喺呢個前提底下,特區政府一直強調嘅行政主導體制自然就會運作得更順暢,政府可以將精力集中喺解決經濟、民生以至經濟問題上,唔需要好似以往咁,將大部分精力集中喺應付反對派或反中亂港者身上,最後惠及嘅,就係可以從政府政策中獲益嘅廣大市民。

 

有人或者會問,咁議會以後係咪一定「無晒反對派」?囍雨覺得未必,如果有反對派政客誠心誠意地愛國,無攬炒政府之心,亦無奪權之意,願意以事論事,當忠誠反對派,相信議會仍然有位置留俾佢哋去競逐。只係,如果有政客仍然心存歪念,想一邊領公帑、一邊玩攬炒,又勾結外國勢力,咁好明顯係唔可以嘅!因為特區政府以至中央已經意識到佢哋對特區以及國家嘅危害,所以唔會再手軟,俾佢哋「坐擁政府資源」地反中亂港!


原圖:中通社


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

27
好正
16
心心眼
0
好好笑
0
令人傷心
2
嬲爆

評論

  • +85262****67
    +85262****67
    1天前
    1 回應
    一定要消除消滅D 牛鬼蛇神,中國香港先安定繁榮:hugging::hugging::hugging:

    沒有更多評論

    沒有更多評論