聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
銀行依法行事都有錯?
銀行依法行事都有錯?

如果一個正常人,突然間無端端被銀行停咗戶口、信用卡,當然要搞清楚係點一回事;銀行方面亦都有責任向客戶解釋究竟發生咩事。但如果呢種情況發生喺早前炮製「大話西遊」嘅前民主黨立法會議員許智峯身上,大家又會點睇?許智峯就又扮被打壓,指摘銀行係「侵犯人權的共犯」,甚至要求各國政府考慮對涉事銀行作出「制裁」,廣男想講,許智峯由頭到尾,好似完全唔記得自己係一個身負「三案九罪」嘅畏罪潛逃犯喎!


事緣已經潛逃英倫嘅許智峯早前聲稱,佢自己同屋企人喺香港滙豐銀行開設嘅戶口遭凍結,連同信用卡亦被停用;日前許智峯又喺其社交網站發文,透露近日收到滙豐控股有限公司行政總裁(CEO)祈耀年嘅電郵,向佢解釋戶口同信用卡點解「不能操作」。簡單而言,第一,許智峯嘅信用卡同匯豐戶口係「被凍結」,而非「取消」;第二,早前有匯豐職員稱銀行因「商業決定」取消其信用卡戶口嘅講法有錯,為此向許智峯致歉;第三,銀行方面係收到警方通知,咁別無選擇,有法律責任採取行動,而且要遵從法律下嘅某些保密責任。


許案不簡單!


從許智峯而言,佢梗係唔會接受銀行方面嘅解釋同致歉;客觀講,銀行喺某啲細節位嘅處理上,可能的確有欠謹慎,但廣男必須講一句,喺大原則上,銀行配合警方要求依法行事,咁都有錯?!許智峯真係唔知警方點解要查佢戶口?


單從表面上睇,既然有「有案在身」之人畏罪潛逃,警方就必然要採取相應嘅執法行動同追查;銀行「收通知」凍結其戶口,基本上可以話係「國際通例」,根本無可厚非。呢種情況發生喺許智峯身上,大家又要諗深一層,唔好忘記佢之前搞眾籌果筆「巨款」,好多地方依家都「唔清唔楚」,當中有冇人涉嫌中飽私囊、利益輸送?有冇人涉嫌洗黑錢?警方當然要追查,咁凍結相關人士戶口,唔應該咩?再深一層,依家許智峯已經涉嫌觸犯《港區國安法》,萬一佢嘅戶口(或者同佢「有關係」)嘅戶口涉及有問題交易,屆時豈不是銀行都要受牽連?


逃犯還要信用卡?


對於許智峯呢個訛稱去外國「交流」結果畏罪潛逃嘅人,廣男覺得坊間有句話形容得好啱:信用卡,係留俾有信用嘅人;許智峯毫無誠信可言,仲要信用卡做咩呢?即係逃犯仲想有戶口、得閒去簽卡消費?返嚟自首喇!至於許智峯要求「制裁匯豐」,廣男有個建議,匯豐總部就喺許智峯依家身處嘅英國倫敦,應該好方便佢親身去「表達訴求」。


原圖:許智峯facebook


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

9
好正
4
心心眼
11
好好笑
2
令人傷心
3
嬲爆

評論

  • +85293****26
    +85293****26
    1月前
    0 回應
    我都接受唔到許智峰你是罪潛逃了。:rage::rage:

    沒有更多評論

    沒有更多評論