特首梁振英喺施政報告中話：「教育局會更新中國歷史及世界歷史的課程內容，豐富學習經歷及加強師資培訓，提升學生對中國歷史與文化的興趣和認識，及擴闊國際視野。」結果就引嚟一堆反政府立場嘅網媒同政客批評「國民教育暗渡陳倉」、「洗腦」、「赤化」，真係令人不明所以。

過去一段時間，無論係建制同泛民陣營幾乎一致認為，現時嘅課程未能令學生有足夠機會認識中國歷史。有教育界人士仲話中國歷史及世界歷史嘅課程內容早就要更新。今次特首只係喺施政報告講咗「更新課程內容」一詞，取態顯然中立同客觀，唔通「提升學生對中國歷史與文化的興趣和認識」都有問題？唔通「擴闊國際視野」都有問題？嗰啲高舉民主旗號嘅人唔係一早就想更新中史科課程內容咩？

世事嘅嘢，沒有最無理，只有更無理。呢啲無理攻訐，實在令人搖頭嘆息。