出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
攬炒派早知「初選」涉違法
攬炒派早知「初選」涉違法

55個攬炒派政客因為涉嫌違法《港區國安法》下嘅「顛覆國家政權罪」,上星期被警方拘捕之後,已經陸續獲准保釋。不過呢班人出到嚟,又開始轉移視線,詐傻扮懵、扮「被打壓」,有啲人話拘捕「荒謬、可笑」,有啲人話「難以想像、不理解」,繼而又攻訐政府「濫捕、極權」…事實真係咁?

 

囍雨想喺度話俾大家知,事實就係,其實班攬炒派政客根本一早就知,所謂「初選」涉嫌違法;明知有條紅線不可踰越,就偏偏仲要伸隻腳去踩!政制及內地事務局局長曾國衞日前就向媒體透露,其實早於所謂「初選」策劃之初,自己就「用心良苦」曾提醒相關人士,呢個所謂「初選」有觸犯國安法之嫌,不過呢班人唔單止冇理會善意嘅警示,仲好囂張咁繼續「按計劃」進行。

 

曾國衞的警示

 

對於曾國衞當初嘅「提醒」,其實當時已經有唔少報道,囍雨建議大家不妨搵嚟重溫下。簡單而言,其實曾國衞於去年7月9日,即「初選」舉行前兩日已經透過傳媒訪問,向「初選」搞手及參與者好明確指出,「組織、策劃及參與初選活動,有可能違反《港區國安法》第20條、第22條及第29條」(即係國安法中有關涉嫌「分裂國家」、「顛覆國家政權」、以及「對特區選舉進行操控、破壞」嘅條文),屬於嚴重罪行。且除咗國安法,曾國衞當時仲提醒「初選」嘅組織者同參與者,有機會違法香港《選舉(舞弊及非法行為)條例》有關選舉開支等方面嘅規定。

 

事實上除咗曾國衞嘅警示之外,囍雨留意到,其實選管會喺所謂就「初選」結束之後亦都發過聲明,一來強調香港法例並冇有所謂「初選」機制;二來亦都再次提醒,「初選」可能違反《選舉條例》同《港區國安法》。

 

一意孤行 與人無尤

 

由此可見,其實無論「初選」前後,政府官員同相關部門都已經多番勸諭;由呢個角度睇,依家班攬炒派被依法追究,又實在可以話係意料中事。至於佢哋最後係咪有罪?呢啲應該係交由法庭去處理嘅嘢,但囍雨想講,如果當初人哋勸你又唔聽、聽又唔做、做完都仲要唔知衰、唔認錯,仲要明知國安法已生效都繼續「去馬」,咁依家要面對法律追究,真係與人無尤喎!呢個時候想再嚟狡辯「不理解、難想像」,根本就講唔通!

 

退一步,先唔講「初選」可能涉及嘅違法問題,呢班組織者、參與者,又點會唔知「初選」係具體實踐戴耀廷「真攬炒十步」嘅第一步?點會唔知「當選者」嘅任務包括日後喺立法會無差別否決《財政預算案》,逼特首辭職及特區政府停擺?又點會唔知攬炒到最後嘅目的,係要令香港「陷入停頓」、引發西方「對中共實行政治及經濟制裁」甚至「攬着中共一起跳出懸崖」?

 

所以囍雨成日都話,攬炒派最大嘅問題,就係貪勝不知輸,事事去到盡;結果「搞出事」,又係一貫唔認錯,反而去污衊政府、抹黑中央「打壓」,大家話呢啲唔係自欺欺人又係咩?!明知有條紅線,你都「照踩」,今日有咁嘅結果,怪得邊個?


原圖:rthk


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

23
好正
4
心心眼
7
好好笑
0
令人傷心
0
嬲爆

評論

  • +85292****84
    +85292****84
    1週前
    0 回應
    可惜比許智障走甩
    • +85260****53
      +85260****53
      1週前
      0 回應
      罪有應得

      沒有更多評論

      沒有更多評論