聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
走佬政客「風涼話」
走佬政客「風涼話」

羅冠聰:「不要放棄希望。更希望被捕眾人安好,希望港人在亂流下平安」。

 

張崑陽:「香港有史以來最大規模打壓,需要各位全民歸位」。

 

許智峯:「英國的凌晨,收到香港瘋狂搜捕的消息,怎能安睡。戰友們頂住,香港人頂住!」

 

以上三名政客,基本上都係「有案在身」或者正被香港警方通緝;佢哋仲有一個共同特質,就係佢哋當初都有參與「35+民主派初選」,不過警方執法之前,佢哋老早就「遠走高飛」。廣男想問一句,自己喺外國,又叫人「歸位」,張崑陽等人係咪會返香港自首?

 

喺網上,廣男睇過一啲論述,大抵意思就係話有啲政客或者KOL已經「遠離」香港,香港人(攬炒派支持者)就算要支持,都應該係支持啲仲喺香港嘅人。廣男將呢個說法引伸落去,羅冠聰等人走咗佬去外國,然後一邊向香港人「籌款」,除咗守護自己「銀包」之外,佢哋仲識做啲咩?抽政治水?

 

再犯《國安法》的聲明

 

噚晚,以上三人發表「流亡民主派初選參選人聲明」,呼籲「各國政府馬上採取實際行動,包括但不限於制裁需要為此負責的官員,和暫緩與中國落實任何經濟共同協議」,廣男想講,佢哋三人本來已經有可能涉犯《港區國安法》,依家喺公開平台又再發表涉違《國安法》的訊息,佢哋諗住一世唔返香港? 

 

今日喺海外嘅「走佬」政客看似安全,但廣男想指出兩點,第一就係如果佢哋身處嘅國家或者地區有一日恢復同香港嘅逃犯移交安排,佢哋隨時可能被引渡;第二係如果佢哋去到其他同香港有引渡安排嘅地方,同樣有可能被引渡。世界政治局勢波譎雲詭,「走佬」政客點肯定,如果他日某國家同中國以至香港關係變好,佢哋唔會成為「被交易的棋子」?去咗外國或外地仲要涉犯《國安法》?小心玩出火! 


圖片來源:RTHK、張崑陽Facebook


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

16
好正
5
心心眼
19
好好笑
5
令人傷心
8
嬲爆

評論

  • +85262****67
    +85262****67
    1週前
    0 回應
    走佬,學乜人講嘢呀,有資格咩:smirk::smirk::smirk:

    沒有更多評論

    沒有更多評論