聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
攬炒派變「路人甲」
攬炒派變「路人甲」

行政長官噚日發表《施政報告》,根據《生果報》嘅慣例,當然喺「全方位」攻擊政府啦,但廣男發現咗一點,就係佢哋以前做呢啲「反政府」新聞嘅時候,好多時都會大力引用攬炒派立法會議員嘅意見,甚至用嚟做標題放喺頭版,不過今日廣男睇《生果報》,見到一段篇幅頗短、題為《泛民炮轟非面向香港人》嘅報道,內文指攬炒派批評報告「唔係一份對香港人嘅《施政報告》」,係咪連《生果報》都咁低調報道攬炒派?因為佢哋唔係立法會議員或者將唔係立法會議員,所以冷待佢哋?真陰公!


攬炒派的「大盲點」


政府宣布《施政報告》,攬炒派梗係「自己搵重點」、「自行演繹」啦,當佢哋講到呢份好似係「大灣區報告」咁,但廣男想問,《施政報告》當中,關於土地房屋嘅措施,佢哋睇唔到?關於創造就業嘅,佢哋又睇唔到?關於扶助某啲行業嘅措施,佢哋又睇唔到?攬炒派政客一味「反中」,用「以偏概全」嚟形容呢班政客,真係啱晒!


由此觀之,喺攬炒派眼中,就係得一樣嘢,簡單嚟講就係「反中亂港」!老實講,呢種心態相當唔要得,佢哋就係因為呢種「反中」心態,搞到自己要辭埋立法會議員嘅職務,呢種心態一直「保持下去」,佢哋係咪立法會甚至區議會都唔選,唔再喺體制內做嘢先?如果係,廣男就覺得佢哋「型」喇!


「反中」無市場


其實喺今日香港,仲想借反政府、反中央「出位」,很明顯已經過時!第一,香港同內地經濟融合,包括合作成為國際創科中心,基本上係大勢所趨,既係大勢,就唔會俾部分攬炒派政客阻止到。另一個問題,就係攬炒派政客炒作「反中」議題都玩咗有二、三十年,用呢啲招數用咗咁多年,支持者仲會受咩?抽咗咁多年水,咩水都俾佢哋抽乾晒啦!


當《生果報》都只係用「有限」嘅版面報道同篇幅去「專門報道」攬炒派政客嘅「反應」時,好明顯,無咗或快將失去立法會議員名銜嘅攬炒派政客,只係加快自己嘅「滅亡」,好快好快,佢哋可能就會好似梁頌恆、游蕙禎咁,成為攬炒派嘅「路人甲」,喺街頭有支持者見到佢哋,都未必再認得佢哋。 


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

10
好正
2
心心眼
8
好好笑
2
令人傷心
1
嬲爆

評論