出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
心腹造假 黎智英「不知情」?
心腹造假 黎智英「不知情」?

大家先幫囍雨諗下,如果我有一萬美元(約合不足8萬港元)喺手,可以用嚟做咩?…


近日,壹傳媒老闆黎智英、其心腹Mark Simon以至生果報,都紛紛捲入一宗國際級大醜聞。事緣Mark Simon取用黎智英私人名下公司「一萬美金」,喺美國請人撰寫「調查報告」,以抹黑美國總統特朗普的大選競爭對手、民主黨總統候選人拜登及其家族。結果被美國傳媒踢爆,該份長達64頁嘅所謂調查報告,根本「放流料」意圖操控選情,甚至連報告「撰寫人」都查無此人、根本係虛構。囍雨喺度諗,一間傳媒機構、一個媒體老闆同其助手,紛紛捲入造假醜聞、甚至操弄美國大選,內裏有咩驚天陰謀?呢舖點收科?


配合特朗普選舉策略?


事發之後,Mark Simon發文「承認錯誤」,又「假假地」話要引咎辭職,囍雨覺得最耐人尋味嘅,係生果報以及黎智英嘅反應。生果報就急急發「嚴正聲明」,意思係造假事件「與我無關」;黎智英更直頭證實助手參與造假,但「件事由頭到尾我都唔知」,意思大概係想講,區區一萬美金,「不必先請示」。大家睇完,係咪有種「手下闖禍」、就被「用完即棄」嘅感覺?


但問題嚟喇,「區區一萬美元」,就可以喺美國「請到人」寫一份長達64頁嘅揭秘式「調查報告」,仲要係意圖抹黑總統參選人、操弄投票意向?如果囍雨有一萬美金,大家估下囍雨有冇咁嘅能力?成件事,仲令囍雨有啲聯想,講開美國大選,大家都知道,一直以來特朗普除咗打疫情牌之外,另一板斧就係通過打中國牌嚟抹黑對手,指摘拜登家族喺中國「有生意、有關係」。依家呢份「調查報告」,內容主調可謂完全配合特朗普嘅策略,係巧合?抑或背後有更強大嘅操盤者?尤其事關美國總統選舉咁大件事,黎智英、Mark Simon都「有機會」捲入其中,睇嚟,各人與美國嘅關係真係殊不簡單…


黎智英為何不報警?


黎智英話自己「不知情」,囍雨覺得根本講唔通。人係自己人,錢係自己錢,大家信唔信黎智英「由頭到尾都唔知」?進一步講,如果Mark  Simon明知報告內容假,都照用老闆錢又唔出聲,就係根本「靠害」、跣黎智英「一鑊甘」;掉番轉,如果Mark Simon信報告內容係真,可以打擊拜登幫到特朗普,即係立咗大功,點可能唔向老闆、主子邀功請賞?


講真,如果黎智英真係唔知情,要自證清白其實唔難,第一,依家係自己嘅錢被其他人私自挪用嚟造假,黎智英應該報警處理;第二,黎智英應該表明此人不可信、不可再用,而唔係等到「有人接替」先俾Mark Simon「引咎辭職」。大家不如又估下,黎智英會唔會?


圖片來源:中通社


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

9
好正
2
心心眼
9
好好笑
0
令人傷心
3
嬲爆

評論