近期，有一單教師涉及兒童性罪行嘅案件，社會都非常關心，尤其係有冇學童受影響，本來囍雨預計，身為「教師工會」頭頭、身兼教協副會長嘅葉建源會非常關心呢件事啦，點知記者一問之下，佢即刻話教師身份，唔知；係咪教協會員，唔知；教協有冇協助，迴避；會否譴責有關行為，又係迴避。囍雨真心唔明白，反政府、反中央嘅「失德」教師，教協就極度關心、包庇到底，而涉及兒童性罪行嘅教師，佢哋就一味迴避Hea答，葉建源以至教協，果真係「教育界一絕」！
連是否教協會員都不知道？
首先，有關案件已經上咗法庭，理論上被告嘅小學老師姓名已經公開，而且涉事教師任教嘅學校亦已經作出回應同採取應對措施，傳媒亦有廣泛報道，葉建源話唔知道涉事教師身份，大家信唔信？由此伸延，教協會唔知道涉事教師係咪教協會員？葉建源講到「乜都唔知」咁，真係值得商榷。
其實，遇到呢啲涉及兒童嘅案件，稍為血性、良知嘅人，就算因為案件審緊未知結果而唔譴責涉事人，計正都會譴責下相關行為啦，點知，葉建源完全無譴責，剩係話「法庭必須好好審理這件事」；囍雨又唔明白，葉建源口口聲聲話要障未成年學生安全，但連表態都冇一句？據報，過去十年已有近百單教師涉及性罪行等案件而被取消其註冊資格或拒絕其申請，呢十年以嚟，大家有冇見過教協譴責相關教師、準教師？囍雨就唔覺喇！
如果大家有留意開教師嘅「包庇事件簿」，會發現但凡關於反警察、反政府、反中央以至「宣獨」嘅失德教師，基本上教協都會包庇到底，甚至連襲警罪成嘅教師都想包庇；問題又嚟喇，點解失德、反政府中央同襲警嘅包庇，而涉及兒童性罪行嘅就避？咁係咪代表教協專係包庇啲反政府、反中央嘅失德教師，以凸顯自己係「反政府工會」呢？講到底，係咪唔想公開呢啲涉及性罪行嘅老師？
說不通的「人情事理」
喺葉建源回應記者提問時，囍雨留意到葉建源講其他話題嘅時候好鍾意強調「人情事理」，囍雨想喺度問下葉建源，包庇失德、「播獨」教師，到底係咩「人情事理」？包庇以上教師而忽略關於涉及兒童性罪行案嘅教師，又係咩「人情事理」？該理嘅，唔理；唔該理同包庇嘅又要包庇，囍雨只能講句，教協真係一個政治組織！
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論