聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
教師「播獨」 又關戴耀廷事?
教師「播獨」 又關戴耀廷事?

反政府政客、「播獨」人士有個特點,就係有人散播不法思想被追究時,佢哋往往都會「一方有難,八方支援」,好似今次有教師「播獨」被釘牌一事,除咗教協「出力包庇」之外,今日連「違法達義」始作俑者戴耀廷都撰文「力挺」失德教師,稱局方決定「極有可能是不合法、不合理及不合程序公義」。廣男喺度諗,戴耀廷自己犯法又教人犯法被大學DQ,所以佢包庇「播獨」教師,真係好「合情合理」,符合佢「不義當正義」嘅人物性格!

 

由於戴耀廷文章謬論太多,廣男喺度節錄啲俾大家睇睇:

 

該教案的主題是言論自由,而在該教學活動進行時,國安法還未適用於香港,不少人正是擔憂港獨這議題能否在香港公開討論,香港言論自由會否因而受損 …

 

教師可採用其他課題帶出言論自由的思考,但香港言論自由當前的挑戰正是港獨這課題。他採用港獨這具爭議的課題,有可能是想以一個貼近社會現實的課題 …

 

叫學生就問題舉手示意,不必然是政治表態,而是互動學習中常用的方法,學生完全可自主決定是否舉手及在之後的學習過程中改變主意 … 有經驗的教師都知道,大部份學生在完成工作紙後的一段非常短時間,就會忘記所有內容。深知這情況的教師,又怎會以為透過一張工作紙的一條問題,就能夠把一些思想和概念強加於學生呢? …

 

當然這教案並非完美,但以教師未能設計出一份沒有瑕疵的教案為由,就取消他的教師註冊,懲處明顯是不合乎比例,故是非常不合理 …

 

第一,戴耀廷稱進行教學活動時《港區國安法》未適用,廣男想講,國安法未喺香港生效,但「港獨」一向不符《基本法》,點解香港嘅教師可以灌輸「港獨」思想呢?第二,講到「香港言論自由當前的挑戰正是港獨這課題」,戴耀廷係咪想講討論「港獨」,甚至宣揚「港獨」都係言論自由嘅一種呢?

 

第三,對於戴耀廷話叫學生舉手示意,「不必然是政治表態」,廣男又唔明,如果咁都唔算表態,咁點先係表態?仲有,稱學生完成工作紙後好快會忘記內容,所以點可以透過一張工作紙將概念強加於學生,廣男調番轉咁講,如果張工作紙係叫教學生遵守《基本法》、國家安全法律,戴耀廷又會唔會話係「洗腦」呢?因為係反政府思想,所以唔算將「概念強加於學生」?

 

失德之人包庇失德之師

 

最後一點,關於對「播獨」教師嘅懲罰,一個香港特區嘅教師,喺教案中宣揚分裂國家嘅訊息,取消註冊如何「不合乎比例」、「非常不合理」?戴耀廷作為違法達義嘅始作俑者,搞亂香港,依家又包庇「獨師」,睇嚟喺佢眼中,只要係反政府、反中央,一切都可以變得「合理」;如果其他教師都按佢嘅套路去教學生,只怕本港教育界「有排亂」!


原圖:大公報


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

7
好正
1
心心眼
2
好好笑
2
令人傷心
8
嬲爆

評論