因為一名「播獨」教師被釘牌，引起全城熱議，雖然「播獨」教師備受批評，但向來包庇失德教師嘅教協依然選擇站在「播獨」教師一方，近日更為該被釘牌教師提出上訴。囍雨留意到，教協非常強調教師教嘅內容唔止提及「港獨」，而政府、建制派人士嘅反對「港獨」言論都「包括在內」，質疑教育局選擇性地披露資料云云。囍雨覺得，「播獨」教師嘅教案，擺明就係有系統地「播獨」，教協不如回答下大家，點解一個教師講「言論自由」，工作紙要學生寫出「提出港獨的原因」，之後仲要答埋「台獨」問題？
為何不問反對「港獨」理由？
囍雨留意咗教協好多日，基本上佢哋嘅策略就係盡量唔詳談教案、工作紙嘅「港獨部分」，而好強調教案以至教師有講「言論自由」、官員、建制人士說話等等。囍雨覺得講多無謂，不如等囍雨喺度認真同大家剖析一下份工作紙嘅鋪排，大家就會一清二楚。
首先，涉事嘅工作紙標題係《不可逾越的紅線》，然後第一條問題係問學生「什麼是言論自由」，第一條問題，係無乜問題嘅；但之後到第二條問題就嚟料喇，工作紙問學生「根據影片內容，提出香港獨立的原因是什麼？」，如果係講「言論自由」，點解要學生詳盡地列出「提出港獨原因」呢？叫人先睇「民族黨」嘅影片，可能教師已經有晒前設；再者，如果要問，點解唔係問反對「港獨」嘅理由呢？
之後第三條問題，答案其實係關於一個台灣導演講「希望我們的國家可以被當真正獨立的個體」，呢兩條問題，先問人「提出港獨原因」，再講某位台灣導演嘅「台獨願望」，如果教案主題為言論自由，點解要花咁多篇幅「宣獨」？
到最後一條問題，係關於「沒有了言論自由，香港會變成怎麼樣？」，當前面兩條問題係講「港獨」、「台獨」，之後工作紙再問學生無咗言論自由會點，囍雨根據呢份工作紙嘅鋪排，想問下呢個鋪排會唔會予人感覺「播獨」都係言論自由嘅體現方式呢？
小學生討論「港獨」？
老實講，以上課題，就算教師要高中生去「討論」，都相當之唔容易，一個小五生，先談一輪「港獨」、「台獨」，再被問無咗言論自由會點，極容易被洗腦。教協顧左右而言他，就係唔觸及工作紙嘅具體內容以至其邏輯，到底係邊個有「選擇性」使用資料？想令公眾以為教師「無播獨」？大家真係可以好好判斷下！
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論
859622757@qq.com
3年前沒有更多評論
沒有更多評論