九月，係新學年嘅開始，今個學年與以往不一樣，因為學生學習既受新冠疫情打擊，校方更要謹防黑暴再次入侵校園。今日廣男睇新聞，有報道指記協向中學發信，打算為中學通識科目安排所謂「傳媒講座」，既會講「傳媒運作」、「新聞自由」，又提到講座背景為「記者經常面對阻撓甚至暴力對待、面對的限制愈來愈多、自由的空間正不斷被壓縮」。廣男最想知道，如果記協入學校搞講座，會唔會講下黑暴呢？
記協如何演繹黑暴
對於記協發信嘅實際內容，廣男只能從傳媒報道「睇到少少」，廣男非常好奇記協今次講座嘅背景，係佢哋受到「暴力對待」等等，咁講開暴力，記協會唔會同學生講清楚，除咗採訪現場混亂之外，暴徒「打砸搶燒」，會令記者生命安全受到威脅呢？
如果記協所主辦嘅係一個通識講座，「通識」講求嘅係正反、批判思考，記協如果入到學校講Talk，廣男會非常關注記協所講嘅，會唔會係一個只係偏埋一邊嘅故事。廣男有呢個質疑，絕對合理，因為從黑暴運動發展至今，廣男記憶中係未見過記協譴責黑暴嘅；相反，佢哋批評警方執法都試過唔少，如果俾佢哋入學校，會否將黑暴分子嘅暴力「淡化」，而主力「借機」批評執法嘅警方呢？廣男對此極度懷疑。
自由的問題
至於自由或者新聞自由問題，大家喺過去一年，都見過唔少記者「圍住」警察，甚至有假記者嘅場面，廣男又想知道，記協點睇呢個問題，認唔認為存在假記者阻撓警方執法？甚至阻礙其他「真記者」嘅採訪工作呢？如果廣男以上提出過嘅問題記協都唔講，而集中講警察「不是」，大家就知道，佢哋所謂嘅「通識講座」，客觀效果可能就會變成荼毒學生嘅「洗腦講座」喇！
圖片來源：記協網頁、文匯報
請Follow我們的YouTube頻道：
下載我們的手機應用程式，收看第一手精彩內容：
評論