出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
攬炒派才是干預司法獨立
攬炒派才是干預司法獨立

裁判官何俊堯因為喺唔同案件嘅判決同言論引嚟投訴,攬炒派有人話係干預司法獨立,囍雨對此感到大惑不解,人哋攞晒唔同案件及判詞出嚟分析再評論,咁就等於司法獨立?近日,人民力量副主席譚得志(快必)因為涉嫌「發表煽動文字」被捕,裁判官蘇文隆唔俾「快必」保釋,新民主同盟荃灣區議員譚凱邦就話要致函投訴相關法官,囍雨想問,呢啲唔係先至係干預司法獨立咩?案件都被判,裁判官只係基於唔同考量唔俾「快必」保釋咋喎!

 

譚凱邦人身攻擊法官?

 

根據譚凱邦嘅講法,因為蘇官曾「重判」反條例人士,譚就片面地佢形容蘇官係「紅官」、「親建制」,會致函去投訴佢,被問到此舉會否影響司法獨立,譚凱邦仲話「司法獨立之外,還需要讓人看到公義」;言下之意,係咪佢介定所謂嘅「公義」,已經凌駕咗司法獨立呢?

 

老實講,一個法官唔俾被告保釋,可以基於唔同理由,包括案件嚴重、被告有潛逃風險等等,今次裁判官蘇文隆唔俾快必保釋,係因為佢怕快必會保釋期間會重犯,所以最終拒絕佢擔保申請。在法在理,囍雨覺得蘇官嘅處理方法無咩問題。而譚凱邦嘅說法,橫睇掂睇,囍雨都睇唔到當中法理,而睇新聞見到佢似係人身攻擊法官,佢咁樣做,有冇藐視法庭之嫌,真係值得商榷。

 

喺呢度,囍雨要同大家分析下,建制派有議員投訴何俊堯,同今次譚凱邦因為快必無得保釋而人身攻擊、打算投訴裁判官係唔同嘅。後者似純人身攻擊,前者則列出八宗案件,包括何俊堯讚犯法者係「社會棟樑」、形容掟嘢被告「唔算太暴力」,稱掟汽油彈案件「唯一受傷可能係被告被制服時」等等,外界對何俊堯嘅質疑,囍雨認為係基於事實,平常人都可能覺得有偏袒之嫌。依家譚凱邦公開無理地攻擊法官,之前質疑過建制派「干預司法獨立」嘅公民黨立法會議員譚文豪,點解仲唔出嚟譴責譚凱邦?譚凱邦先係真正干預司法獨立喎!

 

開記者會評論案件?

 

譚凱邦之所以突然高調攻擊法官,事緣係攬炒派開咗個記者會「聲援快必」,囍雨唔明白,案件已經進入司法程序,一班議員出嚟開記者會,無問題咩?咁樣怕唔怕有向法庭施壓之嫌?攬炒派成日話要守護法治、司法獨立,依家睇嚟,佢哋根本就係破壞法治、司法獨立;打住民主旗號行事,唔代表政客係大晒嘅!


原圖:rthk


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

7
好正
1
心心眼
9
好好笑
2
令人傷心
14
嬲爆

評論