聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
戴耀廷想推廿萬人「落火坑」
戴耀廷想推廿萬人「落火坑」

「行得上台就唔好怯嘞,怯……你就輸成世」,呢句《激戰》嘅經典對白出自戴耀廷把口,到底有咩意思呢?簡單嚟講,就係想叫香港人唔好驚、繼續抗爭囉!繼上星期一篇「真攬炒十步」鴻文後,戴耀廷日前又以《怯就輸成世!》為題撰文,內容都係講「攬炒」,今次仲引用不知名學者嘅研究,話一個地方只需要有3.5%嘅人民「主動參與聯合的抗爭行動」,「就足以成功改變這地方」;戴耀廷仲推算,香港700幾萬人口嘅3.5%,就係大約26.7萬人,仲話經過近幾年抗爭,人數肯定已遠超呢個數字。廣男就喺度諗,如果廿幾萬人都參與抗爭,而且係暴力抗爭,香港會變成點呢?

 

想像不到的亂局

 

戴耀廷所謂3.5%人或者26.7萬人喺街頭抗爭及選舉,到底係講緊示威遊行定係暴力抗爭,廣男唔係佢心入面條蟲,唔知佢實際想表達咩,佢無將說話講得咁「明白」(只提及過「積極及具創意地運用各樣的資源及方法去抗爭」),可能係怕又俾人批評佢煽暴;但廣男喺度諗,喺之前嘅示威衝突中,只要有為過百人或者幾百人用暴力,場面都極度恐怖、血腥,如果有以萬計嘅人出嚟喺街頭抗爭而且係用暴力,香港會變成點,廣男真係唔敢想像。

 

喺呢度,廣男必須再次點出戴耀廷叫人抗爭嘅本質。近排綜合不同新聞,囍雨相信戴耀廷有份喺全港各大區協調盲反派政客參與九月嘅立法會選舉,佢自己又經常喺文章講盲反派要「35+」(取得立會過半議席);佢依家係咁叫人抗爭、選舉,表面上係叫人繼續「做嘢」,實則係想保持抗爭嘅「溫度」,當啲人繼續去衝、受傷甚至被捕,佢以至其他盲反派政客,就可以借機炒熱反政府議題,令佢嘅「同路人」可以喺選舉獲得「政治紅利」,講到底,都係為選舉。

 

推啲年輕出嚟 會害死人!

 

所以在戴耀廷而言,多少人去抗爭、犯法、被捕、被檢控甚至入獄,呢啲都唔係佢主要考慮,由頭到尾,佢都係想借選舉奪權,而一群又一群年輕人,就無可避免成為「政治爛頭卒」,戴耀廷作為「冷氣軍師」,就點都「無得輸」。講開又講,戴耀廷引用《激戰》對白做文章標題、結語,廣男相信佢一定睇過《激戰》啦,廣男都有睇過,其實《激戰》仲有一句經典對白,當電影主角張家輝喺戲入面決定上擂台打MMA(綜合格鬥)果時,佢老友同佢講咗句「我同你講呀 … 打MMA死得人㗎」;相同道理,戴耀廷係咁推啲年輕人出嚟,會害死人㗎(受傷、被告、入獄)! 


請Follow我們的YouTube頻道:<p><a href="https://bit.ly/2kgU8qg"target="_blank">https://bit.ly/2kgU8qg</a><br></p>


下載我們的手機應用程式,收看第一手精彩內容:<p><a href="https://www.speakout.hk/app" target="_blank">https://www.speakout.hk/app</a><br></p>

2
點算呀
33
嬲爆
2
唔係呀哇

評論